भांगरभूंय | प्रतिनिधी
सांजे 4 वरांचेर भाजपांत करतले प्रवेश
पणजी : प्रा. अरूण साखरदांडे हे आयज (बुधवारा) सकाळीं गोंय कोंकणी अकादेमीच्या अध्यक्षपदाचो राजिनामो दितले. राजिनाम्या उपरांत सांजे 4 वरांचेर ते भारतीय जनता पक्षांत रितसर प्रवेश करतले. फाटलीं 4 वर्सां ते कोंकणी अकादेमीचे अध्यक्ष आसात.
आयज सकाळी हांव मुख्यमंत्री डॉ. प्रमोद सावंत हांची भेट घेतलों. ताचे उपरांत हांव कोंकणी अकादेमी अध्यक्षपदाचो राजिनामो दितलों. सांजे 4 वरांचेर भारतीय जनता पक्षांत हांव प्रवेश करतलों, अशी म्हायती प्रा. अरूण साखरदांडे हांणी दिली. कोंकणी अकादेमीत हांवें जो वावर केलो ताचेर हांव समाधानी आसा. भाजपांत म्हाका कसली जापसालदारकी वा पद मेळटले, ताची अजून मेरेन म्हाका कल्पना ना, अशें साखरदांडे हांणी सांगलें.
16 जानेवारी 2020 दिसा प्रा. अरूण साखरदांडे हांणी कोंकणी अकादेमी अध्यक्षपदाचो ताबो घेतलो. तीन वर्सांचो कार्यकाळ पुराय जाले उपरांत तांका मुजतवाड मेळिल्ली. राजिनाम्या उपरांत कोंकणी अकादेमी अध्यक्षपदाचो ताबो कोणा कडेन आसतलो? हे विशीं कसलीच म्हायती नाशिल्ल्याचें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
