भांगरभूंय | प्रतिनिधी
पणजी : सूलभ शौचालयां विशीं येत्या 26 जानेवारी सावन ग्रामसभेंतल्यान जागृताय जातली. पंचायत संचालनायातल्या अधिकाऱ्या कडल्यान ही म्हायती मेळ्ळी. दरेकी घरात शौचालय आसप आवश्यक आसा. जांचे कडेन पयलीं सावन शौचालय आसा, तांणी परत अर्ज करचे न्हय. ग्रामसभांतल्यान ही म्हायती दितले.
शारी वाठारांत स्वच्छ भारत अभियाना खाला शौचालयांचें उद्दीष्ट पुराय जावंक नासलें तरी पंचायत पावंड्यार ते 90 टक्के पुराय जालां.
पंचायतीतल्यान सुलभ शौचालयां खातीर आतां मेरेन 20 हजार अर्ज आयिल्ले. 18006 शौचालयां बांधून जाल्यांत. शौचालया खातीरचे 1 हजार अर्ज प्रलंबीत आसा.
बऱ्याच जाणा कडेन पयली शौचालया आसात. तरी सूध्दा फुकट मेळटा म्हूण ते अर्ज करतात. जेंचे कडेन शौचालय ना, तांका ते उपलब्ध जावचे, म्हूण येवजण आसा, अशे अधिकाऱ्यान सांगले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
