भांगरभूंय | प्रतिनिधी
भांगरभूंय । प्रतिनिधी
पेडणेः पंचायत वेंचणुके खातीर उमेदवारी अर्ज भरपाच्या बिरेस्तारच्या चवथ्या दिसा पेडणे तालुक्यांतल्या 17 पंचायतीनी मेळून 144 उमेदवारी अर्ज आयल्यात. हरमल पंचायत वाठारांत एक विशेश नागरिक कुणाल ठाकूर हाणे उमेदवारी अर्ज सादर केला.
मांद्रे पंचायत वेंचणुके खातीर 20, हरमलच्यान 11, केरीच्यान 13, कोरगांवांतल्यान 14, पार्सेंच्यान 6, आगरवाड्यातल्यान 10, पालयेंतल्यान 7, मोरजेतल्यान 17, खाजने अमेरेच्यान 37, इब्रामपूरच्यान 2, वझरीच्यान 4, तांबोसें-मोपातल्यान 4, तोर्सेच्यान 5 तुयेंच्यान 6, वारखंडच्यान 9, विर्नोडांतल्यान 6 मेळून अर्जांचो आंकडो 144 जाला.
हरमल पंचायतीच्या वॉर्ड 7तल्यान कुणाल ठाकूर हाणे व्हिलचेराचेर बसून वचून आपलो उमेदवारी अर्ज निर्वाचन अधिकारी तशेंच मामलेदार अनंत मळीक हांका आपलो उमेदवारी अर्ज सादर केलो. 21 वर्सां पिरायेचो कुणाल कायद्याचें पदवी शिक्षण घेता. जल्मल्या पसून तो दिव्यांग आसा. फाटल्या पांच वर्सां सावन तो समाज सेवेंचें काम करता. हरमल पंचायतीचो वॉर्ड 7 उदरगती पसून पयस आसा अशें तांणे वेंचणूक लडोवपाचें कारण सांगतना सांगलें. वेंचणक लडोवपाच्या ताचे जिद्दीन सगल्यांनी येवकार दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
