भांगरभूंय | प्रतिनिधी
भांगरभूंय । प्रतिनिधी
कोरगांवः पेडणे सारस्वत समाजा वतीन एका खाशेले कार्यावळीत 10वी तें पदव्युत्तर परिक्षेंत बरी कामगिरी करून दाखयल्ल्या पेडणे तालुक्यांतल्या 40 परस चड विद्यार्थ्यांक खासा इनामां भेटोवन तांचो भोवमान केलो.
पार्से हांगच्या श्री भगवती देवस्थान सभाघरांत जाल्ले हे कार्यावळीक मुखेल सोयरे म्हणून पर्यटन संचालक आयएएस अधिकारी निखील देसाय हाजीर आशिल्ले. माचयेर आदलो शिक्षण संचालक आनी पेडणे सारस्वत ब्राम्हण समजाचो अध्यक्ष अशोक देसाय, सचीव देवेंद्र प्रभू, पेडणे पालिका मंडळाचो नगराध्यक्ष आनी समाजाचो भांडारी माधव शेवणी देसाय आशिल्ले.
सध्याच्या सर्तीच्या युगांत विद्यार्थ्यांनी थारायल्लें ध्येय हातासपा खातीर खर मेहनत करपाची तयारी दवोरपाक जाय. करिअर घडोवपा खातीर जायत्यो संद आसात. मेहनत करून मेळिल्ले संदीचें भंगर करपाक जाय अशें अशोक देसाय हांणी सांगलें. निखील देसाय हांणी आमचो देश संवसाराचें फुडारपण करपाक सज्ज जाला अशें सांगून सद्या वेगवेगळ्या मळांनी जायत्यो संद आसात. आपल्या आवडीचें मळ सोदून तातूंत येसस्वी जावपा खातीर यत्न करून तरणाट्यांनी आपल्या वांगडा समाजाचेंय नांव वयर काडपाक जाय अशें तांणी फुडें सांगलें. ह्या वेळार कांय विद्यार्थ्यांनी आपले विचार मांडले. निमाण देवेंद्र प्रभू हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
