भांगरभूंय | प्रतिनिधी
भांगरभूंय । प्रतिनिधी
पेडणेः पेडणे तालुको विकास समिती वतीन उगवे हांगच्या सरकारी प्राथमीक शाळेंतल्या तशेंच मीडल शाळेंतल्या गरजू विद्यार्थ्यांक सत्र्यो आनी हेर साहित्य दिलां. समिती विद्यार्थ्यांक मजत करपाक सदांच फुडें आसतली अशें समितीचो अध्यक्ष व्यंकटेश नायक हांणी ह्या वेळार सांगलें.
समितीचो भांडारी कृष्णा ऊर्फ नाना नायक हांणे हें साहित्य पुरस्कृत केलां. ह्या वेळार शाळेचो मुख्याध्यापक गोकर्णकार, पालक-शिक्षक संघाची अध्यक्ष सुप्रिया महाले, नारायण सोपटे केरकार, गोपाळ शेट्ये, उमेश गाड, कृष्णा नायक, बाबू मोपकार, साईनाथ देसाय, महादेव गवंडी हाजीर आशिल्ले.
उगवें शाळेंतल्या विद्यारर्थ्यांच्या कलागुणाव चालना मेळची हे खातीर बालभवनाचो फांटो सुरू करपाची मागणी आसा. पेडणे तालुको विकास समिती ते खातीर सरकारी पांवड्यार यत्न करतली अशें व्यंकटेश नायक हांणी सांगलें. शाळेंत इंग्लिश शिकोवपा खातीर शिक्षकाची नेमणूक करपाचो प्रश्न शिक्षण खात्या कडेन समिती मांडटली अशेंय तांणी सांगलें. ह्या वेळार समितीचो उपाध्यक्ष गोपाळ शेट्ये, उमेश गाड, महादेव गवंडी हांणी आपले विचार मांडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.