भांगरभूंय | प्रतिनिधी
मडगांव, प्रतिनिधी : पणजी पुलीस स्टेशन हल्लो प्रकरणांत बाबूश मोन्सेरात हांची ३१ डिसेंबर मेरेन हाजीर न रावपाची मुजत सोंपली. ताका लागून शुक्रारा बाबूश आनी जेनिफर मोन्सेरात हांणी कायमचें हाजीर न रावपाची सूट दिवची अशी मागणी न्यायालया कडेन केल्या. हे विशीं फुडलीं सुनावणी १२ जानेवारीक जातली.
मंत्री बाबुश मोन्सेरात आनी हेरां आड पणजे पुलीस स्टेशनाचेर हल्लो प्रकरणाची सुनावणी दक्षीण गोंय जिल्हो विशेश न्यायालयांत सुरू आसा. बाबूश आनी तांच्या समर्थकांनी १९ फेब्रुवारी २००८ त पणजे पुलीस स्टेशनाचेर हल्लो प्रकरणांत हाचे आदीं सुनावणे वेळार तेन्नाचे पुलीस निरीक्षक नायक हांची सय नोंद केल्ली. बाबूश हांकां ३१ डिसेंबर मेरेन सुनावणेक हाजीर न रावपाची परवानगी दिल्ली. आतां ३१ डिसेंबर मेरेनची मुजत सोंपल्या उपरांत बाबूश आनी जेनिफर ह्या दोनूय दुबावितांक न्यायालयांत सुनावणेक कायमचे हाजीर न रावपाची परवानगी दिवची असो अर्ज न्यायालयांत सादर केला.
ह्या अर्जाचेर फुडले सुनावणेक सरकारी वकील युक्तीवाद करतले आनी बाबूश, जेनिफर हांकां हाजीर न रावपाची सूट दिवपा विशीं निर्णय जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
