भांगरभूंय | प्रतिनिधी
बायलांचे 23 वर्सां पिराये सकयले पिराये गटांतले टी-20 क्रिकेट सर्तींत पुर्वजा वेर्लेंकार गोंयच्या पंगडाचें फुडारपण करतली. पुर्वा भाईडकार उप मुखेली आसतली. ई गटांतली सर्त 10 डिसेंबरा सावन नागपूरांत खेळयतले.
गोंय क्रिकेट असोसिएशनाचे सचीव रोहन गांवस देसायान 16 वांगड्यांचो पंगड जाहीर केलो.
10 ते 19 डिसेंबर ह्या कालावधीत गोंयचो पंगड वळेरेन सौराष्ट्र आड 10 डिसेंबराक, पंजाबा आड 13 डिसेंबराक, मध्य प्रदेशा आड 15 डिसेंबराक, मेघालया आड 17 डिसेंबर आनी बंगाला आड 19 डिसेंबराक खेळटलो.
पंगड असोः पुर्वजा वेर्लेंकार (मुखेली), पुर्वा भाईडकार (उप मुखेली), तनया नायक, दिव्या नायक, मेताली गवंडर, सेजल सातार्डेकार, कंविक्षा रेकडो, हर्षदा कदम, हर्षिता यादव, स्वराली कासार, कृपा पटेल, सेजल नायक, इब्तिसाम शेख, उर्वशी गोवेंकार, सिद्धी सवासे, सावली कोळंबकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
