भांगरभूंय | प्रतिनिधी
पुर्तुगेझ पासपोर्टाक लागून 80 टक्के गोंयकारांंची उदरगत
पणजी : गोंंयकार पोट भरपा खातीर पुर्तुगेझ पासपोर्ट करतात, व्होट दिवपा खातीर न्हंय. पुर्तुगेझ पासपोर्टाक लागून 80 टक्के गोंंयकारांंक विदेशांत पोट भरप शक्य जालांं, अशें चर्चील आलेमांव हांंणी सांगलें.
पुर्तुगेझांनी गोंंयचेर 450 वर्सां राज्य केलें. तांंचे राजवटी विशीं हांंव कांयच उलयना. तरी तांंणी गोंंयकारांंक पुर्तुगेझ पासपोर्ट करपाची संंद दिली. पुर्तुगेझ पासपोर्टाक लागून गोंंयकारांंक विदेशांंत पोट भरप शक्य जालें. हे खातीर हांंव पुर्तुगेझांक सॅल्यूट करता अशें चर्चील आलेमांव हांंणी म्हणलें.
पुर्तुगेझ पासपोर्टाक लागून भारताचो पासपोर्ट रद्द करप चुकीचें आसा. गोंंयकार फकत पोट भरपा खातीर पुर्तुगेझ पासपोर्ट करतात. ते पुर्तुगालचे नागरीक जायनात. मतदान करपा खातीर ते गोंंयांंत येतात. गोंंय तांंचे घर तशेंच हेर कुटूंब हांगा रावतात. खूबशा देशांंनी दोट्टी नागरिकत्व दिवपाची वेवस्था आसा. पुर्तुगेझ पासपोर्ट आशिल्ल्या गोंंयकारांंक लेगीत दोट्टी नागरिकत्व दिवपाक जाय अशी मागणी चर्चील आलेमाव हांंणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
