भांगरभूंय | प्रतिनिधी
भांगरभूंय । प्रतिनिधी
पणजीः मनोज यादव ह्या कामगाराच्या खून प्रकरणांतल्या मंजुनाथ शिवशरण कोळी, राजकुमार जयगुडी आनी अनिकेत नायक हांची पुरावे नाशिल्ल्यान अतिरिक्त सत्र न्यायाधीश एडगर फर्नांडीस हांणी निर्दोश सुटका केली. 2017 वर्सा काम्पाल परेड मैदानार हे खून प्रकरण जाल्लें.
मनोज यादव हाका या तीग दुबावितांनी 4 सप्टेंबर 2017 दिसा फातोडेर मारपेट केल्ली. उपचार सुरू आसतना ताका मरण आयिल्ल्यान पणजी पुलिसांनी खूनाच्या आरोपा खाला तांकां अटक केल्ली. अनिकेत नायक हाका न्यायालयान अटी घालून जामीन मंजुर केल्लो. 2 जानेवारी 2018 दिसा हें प्रकरण उत्तर गोंय जिल्हो आनी सत्र न्यायालयांत वर्ग केल्लें. फिर्यादी पक्ष सबळ पुरावे फुडें आडपाक शकलो ना. ताका लागून दुबावाचो फायदो दिवन न्यायालयान तिगांची सुटका केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
