भांगरभूंय | प्रतिनिधी
अबकारी खात्याची शिटकावणी, परिपत्रक जारी
पणजी : चवथीचे फाटभुंयेर गोंयांत प्लास्टर ऑफ पॅरिसाच्यो (पीओपी) गणेश मुर्ती घेवन येवपी वाहनांचेर खर कारवाय करतले, अशें परिपत्रक अबकारी खात्याचे आयुक्त नारायण गाड हांणी मंगळारा जारी केलें.
गोंयांत प्लास्टर आॅफ पॅरिसाच्यो मुर्ती हाडपाक तशेंच तांची विक्री करपाक बंदी आसा. तरी लेगीत कांय जाण शेजारच्या राज्यांतल्यान अशो मुर्ती हाडटात. ताचेर निर्बंध हाडपाक अबकारी खात्यान राज्यांच्या शिमा वयल्या चेकपोस्टांचेर पुलिसां कडल्यान वाहनांची तपासणी करपाचे सत्र सुरू केलां. ज्या वाहनांनी अशो मुर्ती मेळटल्यो, त्या वाहन चालकांचेर खर कारवाय करतले, अशें आयुक्त नारायण गाड हांणी परिपत्रकांत नमूद केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
