भांगरभूंय | प्रतिनिधी
फर्मागुडी-फोंडेंच्या पीईएस एसआरएसएन म्हाविद्यालयाच्या पंगडान गोंय विद्यापिठाच्या आंतरम्हाविद्यालयीन बायलांच्या गटांतले कबड्डी सर्तीचें वस्तादपण जोडलें. फायनलींत ताणें प्रबोधिनी म्हाविद्यालयाच्या पंगडाक 59-45 गूण फरकांनी हारयलो.
सर्त ताळगांवच्या पठाराचेर आशिल्ल्या डॉ. श्यामाप्रसाद मुखर्जी इन्डोर स्टेडियमाचेर जाली. सेमी फायनलींत पीईएस एसआरएसएन म्हाविद्यालयान काणकोणच्या श्री मल्लिकार्जुन आनी श्री चेतन मंजू देसाय म्हाविद्यालयाक 17-14 गूण फरकांनी जाल्यार विद्या प्रबोधिनी म्हाविद्यालयान सांखळी सरकारी म्हाविद्यालयाक 49-28 गूण फरकांनी हारयलें. पीईएस म्हाविद्यालयाची अलिशा आकारकार सर्तींतली सर्वोत्कृश्ट खेळगडी थारली.
गोंय विद्यापिठाचे वैजकी अधिकारी डॉ. अमावेल मुर्ती, गोंय विद्यापिठाचे शारिरीक शिक्षण आनी खेळां सहाय्यक संचालक भालचंद्र जदार हांचे उपस्थितींत इनामां भेटवण सुवाळो जालो.
जैतिवंत पीईएस एसआरएसएन म्हाविद्यालयाच्या पंगडांत अलिशा आकारकार, साहिली नायक, जान्हवी मडकयकार, अनिक्षा वेळीप, स्वाती नायक, युतिका सतरकार, ईशा गावडे, ऋत्विका बांदोडकार, पंचमी भट, तानिया नायक, शिया शेट, इंदू गांवकार हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
