भांगरभूंय | प्रतिनिधी
आतां मेरेन 106 इंच पावसाची नोंद
फाटल्या वर्साचे तुळेंत सरासरी 8 इंच उणो पावस
भांगरभूंय । प्रतिनिधी
पणजी : राज्यांत फाटले पुराय सप्तकभर मध्यम स्वरूपाचो पावस सुरू आसा. दीसभर वत आनी पावसाचो खेळ सुरू आसलो तरी पावसाची चड नोंद जावंक ना. आतां मेरेन राज्यांत 106 इंच (270.4 मि.मि.) पावसाची नोंद जाल्या. हवामान विभागाचे म्हायती प्रमाण राज्यांत फाटल्या वर्साचे तुळेंत 8.4 टक्के पावस उणो
पडला.
मॉन्सून हंगाम फुडल्या सप्तकांत सोंपता. फाटल्या वर्साचे तुळेंत 8.4 इंच पावस उणो पडलो तरी 19 टक्क्यां मेरेनचो उणाव विचारांत घेनात, अशें हवामान विभागाचे संशोधक राहुल मोहन हांणी सांगलें. ताका लागून अंदूंचो पावस सामान्य आशिल्ल्याचेय तांणी म्हणलें.
हवामान खात्याच्या वाळपय केंद्रांत सगल्यांत चड 143.87 इंच पावसाची नोंद जाल्या. जाल्यार सगल्यांत उणो पावस 81.54 इंच दाबोळी केंद्राचेर नोंद जाला. बुधवार मेरेन राज्यांत पावसाची शक्यताय ना. नुस्तेमारांक विशेश सुचोवण्यो दिवंक नात.
पेडणें – 134.33
सांगें – 119.55
केपें – 119.00
काणकोण – 112.00
फोंडें – 107.23
सांखळी – 106.45
म्हापशें – 102.02
पोरणें गोंय – 96.70
पणजी – 90.59
मडगांव – 89.13
मुरगांव – 87.61
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
