भांगरभूंय | प्रतिनिधी
भांगरभूंय प्रतिनिधी
मडगांव ः ‘पावसाक आपोवणें’, ‘नुस्त्या भूस’, ‘सत्री’, ‘फुलांची रास’, ‘काव्य सांज’, ‘पाऊस गाणी’, ‘बरसात’ अश्या पावशी कवितांनी गोमंत विद्या निकेतनाची 204 वी भोवभाशीक काव्यमैफल चिप्प भिजली आनी हे कार्यावळीक जमिल्ल्या रसिकांनी ती अक्षरशा माथ्यार घेतली.
गोमंत विद्या निकेतनाची अखंडपणान चालू आशिल्ली भोवभाशीक काव्यमैफल हालींच जाली. हे काव्यमैफलीचो तो सतरावो वर्धापन दीस आसलो. स. अशोक बोरकार आनी कविता बोरकार ह्या दांपत्यान सुरू केल्ली ही काव्यमैफल प्रा. कविता बोरकार हांच्या मार्गदर्शना खाला 18 जूनाक विक्रांत इमारतीच्या मंथन हाॅलांत जाली. 204 वी ही काव्यमैफल चडश्या कवी-कवयित्रींनी पावसाच्या कवितांनी गाजयली. हे काव्यमैफलीचें सुत्रसंचालन स्मिता कारे आपल्या वेगळ्या ढंगान आनी आगळे शैलीन केली.
हे काव्यमैफलीची सुरवात प्रथम सावंत हांणी ‘वंदे मातरम’ कवितेन केली. उपरांत पंढरीनाथ लोटलीकार हांणी ‘अतिथी’, दया मित्रगोत्री हांणी ‘पाऊस’, माया खरंगटे हांणी ‘ती एक कस्तुरी’, हनुमंत मावजो हांणी ‘इश्टा’, निलेश प्रभू हांणी ‘पावसाक आपोवणें’, विजया शेल्डेंकार हांणी ‘चैतन्य’, संतोष तिंबले हांणी ‘काव्यसांज’, मारूती नायक हांणी ‘अहंकाराचीं वस्त्रां’, अभय सुराणा हांणी ‘बरसात’, उषा कामत हांणी ‘म्हातारी तरूणी’, उदय गुडे हांणी ‘फुलांची रास’, रुपेश देसाय हांणी ‘याद आसा अठरा जून’, वैष्णवी हेगडे अग्रनायक हांणी ‘कभी कुछ ऐसा पिघल जा तू’, पौर्णिमा देसाय हांणी ‘वटपौर्णिमा’, प्रसाद सावंत हांणी ‘स्वप्न पाहा, सुहास भट हांणी ‘मैत्री’, अजय जवळीकर हांणी ‘पाऊस’, वल्लभ दुभाषी हांणी ‘सत्री’, शर्मिला प्रभू हांणी ‘पावस’, स्मिता कारे हांणी ‘नुस्त्या भूस’, विराज प्रभुदेसाय हांणी ‘आहेस काय तू माझ्यासाठी?’ ह्यो कविता म्हणल्यो.
हे काव्यमैफलींत शर्मिला प्रभू हांणी ‘पाऊस गाणी’ ह्या विशयाचेर प्रस्नमंजुशा घेवन कार्यावळीक वेगळोच रंग हाडलो. स्मिता कारे हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
