भांगरभूंय | प्रतिनिधी
फोंडें: पालवाडो-उसगांवां टेम्पोचो धपको स्कुटरीक बशिल्ल्यान पुलीस कॉन्स्टेबल शिवाजी चव्हाण (29, कसल्लें-उसगांव) जखमी जालो. ताचेर गोमॅकाँत उपचार सुरू आसात. अपघात प्रकरणांत पुलिसांनी संदीप रामचंद्र तानावडेकार (39, केपें) हाका अटक केल्या.
फोंडें पुलिसांनी दिल्ले म्हायती प्रमाण शिवाजी चव्हाण हो फोंडें पुलीस स्टेशनाचो कॉन्स्टेबल आसून फाटल्या कांय म्हयन्यां सावन उसगांव आवट पोस्टार कामाक आसा.
काल (बिरेस्तारा) दनपारां उसगांवां समन्स दिवपा खातीर जीए 05 एन 1913 क्रमांकाचे स्कुटरीन वतालो. त्या वेळार विरुद्ध दिशेन येवपी जीए 09 यू 6509 क्रमांकाचे टेम्पोचो धपको स्कुटरीक बसलो. ह्या अपघातांत शिवाजी चव्हाण जखमी जालो.
जखमीक सगल्यांत पयलीं 108 अॅम्ब्युलन्सींतल्यान पिळयें भलायकी केंद्रांत दाखल केलो. उपरांत अदीक उपचारा खातीर ताका गोमॅकाँत धाडून दिलो. टेम्पो चालक संदीप तानावडेकार हाका पुलिसांनी अटक केल्या. फोंडें पुलीस स्टेशनाचे निरिक्षक विजयकुमार चोडणकार ह्या प्रकरणांत अदीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
