भांगरभूंय | प्रतिनिधी
पेडणेः पार्श्यां पंचायत वाठारांतल्या प्रतीक नायक हांच्या घराक उजो लागून सुमार तीन लाखां परस चड लुकसाण जाल्ल्याची घडणूक मंगळारा सकाळीं सुमार धा वरांचेर घडली. हो उजो कित्याक लागून लागलो हाचें नेमकें कारण आजून समजूंक ना.
हे विशीं पेडणें उजो पालोवपी दळाक म्हायती मेळटांत तांणी येवन तो पालयलो. मात, ह्या उज्यांत तीन लाखां परस चड लुकसाण जालें. हो उजो शॉर्ट सर्किटाक लागून लागिल्ल्याची म्हायती पेडणें उजो पालोवपी दळान दिली.
उजो लागिल्ल्याचें कळटांनी थळावे आमदार जीत आरोलकार थंय येवन तांणी नायक कुटुंबाक सगळे तरेची मजत करपाची गवाय दिली. एक-दोन दिसांनी उज्यांत हुलपल्ल्या पांख्याचे दुरुस्तीचें काम पुराय करून त्या कुटुंबाक तांच्या घरांत रापवाची वेवस्था करतले, अशेंय तांणी सांगलें.
ह्या वेळार थळावे पंच स्वप्नील नायक, आदले उपसरपंच तशे आतांचे पंच अजित मोरजकार आनी हेर थळावे हजर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.