भांगरभूंय | प्रतिनिधी
भांगरभूंय । प्रतिनिधी
म्हापशेंः पाजीर उसकय हांगच्या श्रीकृष्ण पांडव देवळांत गोया युवा स्पोर्ट्स क्लबाच्या प्रशिक्षणार्थिनी आप रक्षणाची प्रात्यक्षिकां दाखयलीं. तातूंत लाठी-काठी, तलवारबाजी आनी हेर कवायतींचो आसपाव आशिल्लो. देवस्थान समितीच्या आमंत्रणा वयल्यान क्लबान ही कार्यावळ आयोजीत केल्ली.
ह्या वेळार आदलो आमदार ग्लेन टिकलो, जिल्हो पंचायत वांगडी मनिषा नायक, पंच वांगडी दिपाली हळर्णकार, आदलो सरपंच आनंद गडेकार, देवस्थान समितीचो अध्यक्ष संदीप पेडणेकार, अंकुश कारापूरकार हाजीर आशिल्ले. क्लबान बस्तोड्या सत्तपुरुष बांदेश्वर देवस्थान सभाघरांत आयोजीत केल्ल्या शिबिरांत वोविमान मार्शल आर्टाची सर्त घेतली. तातूंत केतन गोलतेकार, स्वरीत रेमळकार, सिद्धांत आरोंदेकार, प्रथमश काळोखे, अनुश्री परब, समैरा उसकयकार हांणी भांगरा पदकां मेळयलीं.
दत्ताराम परब, तेजस नायक, संदेश विश्वकर्मी, कनिश गोलतेकार, शिवम साळगांवकार, कुमकुम प्रजपपती हांणी रुप्यांची आनी श्रीवेश नायक, लाक्षिता प्रजापती, तरूण लमाणी, सक्षम शिरोडकार, सान्वी नायक आनी वंदना लमाणी हांका कांस्या पदकां फावो जाली. जैतिवंतांक बांदा- सावंतवाडी हांगच्या श्रद्धा इंटरनॅशनल ज्युनिअर कॉलेजाचो प्राचार्य शैलेंद्र आरोंदेकार हांचे हस्तुकीं इनामां दिलीं. ह्या वेळार महालक्ष्मी कला मंदिर सिरसयचो अध्यक्ष अमीत नायक, कृतिका गोलतेकार, शुभम कळंगुटकार, प्रशिक्षक अविनाश वाकुडे आनी हवालदार समीर उसकयकार हाजीर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
