भांगरभूंय | प्रतिनिधी
इंग्लंडा आड कालच्यान सुरू जाल्ले तिसरे टॅस्टीच्या पयल्या दिसा येजमान पाकिस्तानाचो पयलो डाव 79 ओव्हरींनी 304चेर सोंपलो. ते उपरांत पयल्या दिसाचो खेळ सोंप मेरेन इंग्लंडान आपल्या पयल्या डावांत 1 विकेट वगडावन 7 धांवड्यो केल्यात.
ते पयलीं पाकिस्तानाचो मुखेली बाबर आजमान अंदूंचो आपलो 16वो अर्द शेंकडो पुर्ण केलो. ताणें आपल्या पंगडा वतीन सगल्यांत चड 78 धांवड्यो केल्यो. इंग्लंडाच्या जॅक लिचान सगल्यांत चड 4 विकेटी घेतल्यो. आपली पयली मॅच खेळपी रेहान अहमदान 2 विकेटी मेळयल्यो.
पाकिस्ताना वतीन बाबर आजम आनी सलमान आगा हांकां सोडले जाल्यार एकाय बॅट्समनाक म्हणपा सारकें प्रदर्शन करपाक जमलें ना. सलमानान 56 धांवड्यो केल्यो. आपली निमाणी टॅस्ट खेळपी अझर अलीन 68 बॉलांनी 45 धांवड्यो केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
