भांगरभूंय | प्रतिनिधी
भांगरभूंय । प्रतिनिधी
पर्वरीः पर्वरी मतदारसंघातल्या तीन पंचायतीच्या वेंचणुकांत आशिल्ल्या उमेदवारांनी आयतार आनी सोमाराक प्रचार सोपचे पयलीं आपल्या समर्थकांक घेवन पदयात्रा काडल्यो. ह्या दोनूय दिसा उमेदवार आनी तांच्या समर्थकांनी घरान घर वचून मतदारांच्यो भेटी घेतल्यो.
पर्वरी मतदारसंघात आशिल्ल्या सुकूर, पेन्ह द फ्रान्का आनी साल्वादोर द मूंद पंचायत मेळून 31 वॉर्डानी 87 उमेदवार वेंचणूक लडयतात. आमदार आनी पर्यटन मंत्री रोहन खवंटे हांणी तिनूय पंचायतीनी आपलें पॅनल तयार केलां. काँग्रेस, तृणमूल काँग्रेस, आम आदमी, राष्ट्रवादी काँग्रेस वा रिव्होल्युशनरी गोवन्स ह्या राजकीय पक्षांची पॅनलां नात आनी तांणी कोणाकूय तेंको जाहीर केल्लो ना. रोहन खवंटे हांच्या पॅनलांचें जैत निश्चीत आसा अशें मतदार सांगतात.
पेन्ह द फ्रान्का आनी साल्वादोर द मूंद पंचायत वेंचणूक रिंगणात घोव-बायल आसा. पेन्द द फ्रान्कांत अनुराग गुप्ता वॉर्ड 9 आनी तांची घरकान्न शालू गुप्ता वॉर्ड 10तल्या वेंचणूक लडयता. साल्वादोर द मूंद पंचायतीचंत राजेश सावयकार वॉर्ड 8 आनी तांची घरकान्न रोशनी सावयकार वॉर्ड 9तल्यान वेंचणूक लडयता. घराणेशायेक जल नाका म्हणून रोहन खवंटे हांणी ह्या दोनूय जोडप्यांक तेंको दिलो ना.
साल्वादोर द मूंद पंचायतींत संदीप साळगांवकार (वॉर्ड 2)स रिना फर्नांडीस (वॉर्ड 3) आनी पेन्ह द फ्रान्का पंचायतीच्या वॉर्ड 8तल्यान सिद्धेश नायक बिनविरोध वेंचून आयल्यात. ह्या दोनूय पंचायतींत सरपंचपद बायलां खातीर राखीव आसा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
