भांगरभूंय | प्रतिनिधी
पणजी : पर्यावरण मंत्री आलेक्स सिक्वेरा हांकां दिल्लींतल्या एम्स हॉस्पिटलांतल्यान डिस्चार्ज दिले उपरांत तांची भलायकी आतां सुदारल्या. फाल्यां बुधवारा विसव घेतले उपरांत ते मंत्रालयांत हाजेरी लायतले. तांचे भलायकेची विचारपूस केले उपरांत वीजमंत्री सुदिन ढवळीकार हांणी पत्रकारांक ही म्हायती दिली.
कायदो आनी पर्यावरण मंत्री आलेक्स सिक्वेरा हांची भलायकी इबाडिल्ल्यान फाटल्या म्हयन्याचे निमाणे कडेन तांकां एम्स हॉस्पिटलांत दाखल केल्ले. मुख्यमंत्री डॉ. प्रमोद सावंत हांणीय हॉस्पिटलाक भेट दिवन तांची विचारपूस केल्ली. जायते दीस तांचेर हॉस्टिपलांत उपचार केले. डिस्चार्ज दिले उपरांत आतां ते रायच्या घरांत विसव घेतात.
सिक्वेरा हे म्हजे लागींचे इश्ट. देखून तांचे भलायकेची विचारपूस करपाक हांव तांकां वचून मेळ्ळों. घरांत बसून तांणी कांय फायलींचेर नदर मारल्या. फाल्यां तो मंत्रालयात येतलो, अशी म्हायती श्री. ढवळीकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
