भांगरभूंय | प्रतिनिधी
क्रिकेटींतलें आपलें प्रदीर्घ अपेसाचें खाशेलें अशें कारण ना. पूण, परिस्थितीक तोंड दिवपाची तांक नाशिल्ली जाल्यार आपूण आंतरराष्ट्रीय क्रिकेटींत तग धरपाक शकचो नासलो अशें मत भारताच्या क्रिकेट पंगडाचो आदलो मुखेली विराट कोहलीन म्हणलें.
फाटल्या तीन वर्सां पसून कोहलीक आंतरराष्ट्रीय क्रिकेटींत शेंकडो मारपाक जमूंक ना. हे विशीं कोहली म्हणटा, हे गजालीचो विचार करीत बसप आपल्याक पटना. आपलें खेळपाचें तंत्र चुकता अशी लेगीत चर्चा आसा. पूण, तशें लेगीत ना. आपलो खेळ कसो आसा आनी आपूण कसो खेळटा हाची आपल्याक पुर्ण म्हायती आसा. वेगळ्यावेगळ्या बॉलरांक तोंड दिवपाची आनी परिस्थिती प्रमाण खेळपाची तांक आपले मदीं आशिल्ल्यानूच आपूण आंतरराष्ट्रीय पांवड्याचेर इतकीं वर्सां तक धरपाक शकलो.
आपले कडेन तांक आशिल्ली. त्या प्रमाण आपणेन ताचेर मात केली. आशिया करंड क्रिकेट सर्ती खातीर सज्ज आसा. आपल्या मुखार सातत्य दाखोवपाचें आव्हान आसा. हातूंतल्यान भायर सरपाक आयज मेरेनचो अणभव कामाक येतलो असो विस्वास कोहलीन ह्या वेळार उक्तायलो.
ह्या कालावधीत आपल्याक वेगळोच अणभव दिलो. आपूण कितें करपाक शकता. हें शिकपाक मेळ्ळें. आपले खातीर हें सगलें सोंपें आशिल्लें. आपल्याक आनीक शिकपाचे आसा. एक खेळगडो आनी मनीस म्हणून आपलें म्हत्व कितें आसा. हें समजून घेवपाचे आसा अशें कोहलीन अखेरेक म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
