भांगरभूंय | प्रतिनिधी
भांगरभूंय । प्रतिनिधी
पेडणेः पत्रादेवी हांगच्या गोंय सुटके झुजांतल्या हुतात्म्यांच्या यादस्तिकाचें सोबितीकरणाचे काम सध्या नेटान चल्लां. पडणेचो उपजिल्होधिकारी दीपक वायंगणकार हांणी अधिकाऱ्यां वागडा ह्या कामाची पळोवणी केली. 15 ऑगस्टाक स्वांतत्र्यदिसा ध्वजारोहन करपा खातीर ल्हान माटोव उबारपाची सूचोवणी तांणी केल्या.
दर वर्सा गोंय सरकारा वतीन पत्रादेवी स्वांतत्र्यदिसा मनयतात. मुख्यमंत्री, आमदार आनी सुटके झुजारी ह्या वेळार हाजीर आसतात. सोबितीकरणाच्या कामाक लागून कसले आडमेळे येवपाक शकतात हाची पळोवणी वायंगणकार हांणी केली.
पत्रादेवी हुतात्मा यादस्तिकांचें सोबितीकरणाचें काम सरकारान हातांत घेतलां ही बरी गजाल आसा. मात हें काम कशे तरेन करतले, कंत्राटदार कोण, कितलो खर्च येतलो हाची म्हायती दिवपी तकटो लावपाची गरज आसा अशें तोरसेंचो आदलो सरपंच सूर्यकांत तोरस्कार हांणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
