भांगरभूंय | प्रतिनिधी
मुख्यमंत्र्यांची घोशणा; कुटुंबाक 10 लाखांचाे दिलो धनादेश
भांगरभूंय I प्रतिनिधी
पणजीः पत्रादेवी ते मोपा विमानतळाक जोडपी मार्गाक कर्नल सिंग बनिपाल हांचें नांव दितलें, अशी घोशणा मुख्यमंत्री डॉ. प्रमोद सावंत हांणी केली. बुधवारा हरयाणांत घेतिल्ले पत्रकार परिशदेंत ते उलयताले.
गोंय मुक्ती खातीर 15 ऑगस्ट 1955 दिसा पत्रादेवी हांगा जाल्ल्या लड्यांत वांटेकार जाल्ले अंबाला-हरयाणातले सरदार कर्नल सिंग बनिपाल हांची घरकान्न चरणजीत कौर हिचो मुख्यमंत्री डॉ. सावंत हांणी अंबाला गांवांत वचून भोवमान केलो. तशेंच तांकां 10 लाखांचो धनादेश दिलो.
पुर्तुगेज राजवटींतल्यान गोंयाक मुक्त करपाक देशभरांतल्या विवीध स्वातंत्र्य सैनिकांनी योगदान दिलां. कांय जाणांनी आपलो जीव वगडायलां. सरदार कर्नल सिंग बनिपाल हे तातूंतलेच एक. ताका लागून तांची याद कायम गोंयकारांचे यादींत उरचीं हे खातीरूच पत्रादेवी ते मोपा विमानतळ मार्गाक तांचें नांव दिवपाचें सरकारान निश्चीत केलां, अशें मुख्यमंत्र्यान
म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
