भांगरभूंय | प्रतिनिधी
भांगरभूंय । प्रतिनिधी
पेडणेः पत्रकार दिसा पेडण्यातल्या पत्रकारांनी नवचेतना युवक संघाच्या सहकार्यान शिक्षकांचो भोवमान करपाची एक बरी गजाल करून दाखयल्या अशें पेडण्याचो आमदार प्रवीण आर्लेकार हांणी सांगलें. हुतात्मा मनोहर पेडणेकार प्राधमीक आनी उच्च माध्यमीक विद्यालयांतल्या शिक्षकांचो भोवमान कार्यावळींत मुखेल सोयरे म्हणून ते उलयताले.
माचयेर पेडणे तालुको भाग शिक्षणाधिकारी छाया पेडणेकार, मुख्याध्यापिका सुजाता पार्सेकार, नवचेतना युवक संघाचो अध्यक्ष कृष्णा पालयेकार, शांती किनळेकार नगरसेविका उषा नागवेकार आशिल्ली. पालकांनी आपल्या भुरग्यांक सरकारी प्राथमीक शाळांनी धाडून त्यो तिगोवन दवोरपाचें आवाहन आर्लेकार हांणी केलें. हुतात्मा पेडणेकार विद्यालयांत फुडल्या शिक्षणीक वर्सा सावन आठवेचो वर्ग सुरू करपा खातीर यत्न करपाचें उतर दिलें. शाळांनी हस्तकलेचें शिक्षण दिवपाक सुरू करून दरेका शाळेक क्राफ्ट शिक्षक नेमचो हे खातीर आपलो यत्न आसतलो अशें तांणी सांगलें.
पत्रकार दिसा सुजाता पार्सेकार, शांती किनळेकार, सीमा भगत .सिद्धी पार्सेकार, श्वेता सावळदेसाय, रेखा रेडेकार,
सुप्रिया नायक, पुनम तिळवे, मोहम्मद इकबाल तोटगट्टी, .गंगाराम परब ह्या शिक्षकांचो आमदाराचे हस्तुकी भोवमान केलो.
छाया पेडणेकार, उषा नागवेकार, कृष्णा पालेकार हांची ह्या वेळार भाशणा जालीं. भायर वडोवपाच्या साहित्यांतल्या वस्तू तयार करपाचे सर्तींत माया हळदणकाराक पयलें, सिंधिया हळदणकाराक दुसरे आनी विक्रांत मावळणकाराक तिसरें इनाम फावो जालें. रुपाली देवजी, निकिता गडेकार, विघ्नेश सावळ देसाय, स्मिता आसोलकार, पिंकी गडेकार, रेश्मा आसोलकार, विनायक कवठणकार, श्रेया कोरगांवकार ,स्मिता आंबेकार हांकां उमेद वाडोवपी इनामां मेळ्ळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
