भांगरभूंय | प्रतिनिधी
बाजारांत गिमाळी रानवटी फळां आयल्यात. हातूंत करवंद, जांबळां, चुन्नां, ओले काजू, आंबे, तोरां ह्या गीमांतल्या रानफळांक बरी मागणी आसा. सध्या तांचे दर चड आसले तरी हीं फळां फकत गिमाळयांत मेळटात म्हूण गिरायक ती विकती घेतात. तशेंच पणस, नीरफणस ह्या फळांचीय मागणी आसा. हाचे भायर तांबडी भाजी, भेंडे, मुळां सारकिल्लीं थळावीं भाजीय व्हड प्रमाणांत विक्रेक आयल्या.
बाजारांत ओले काजू 250 रुपयांक 100 नग विकतात. चुन्नां 20 रुपया वांटो जाल्यार जांबळां आनी करवंदा 50 रुपया शेर दरान विकतात. आकारा प्रमाण पणसाचे दर 150 ते 500 रुपया मेरेन आसात. जाल्यार निरपणस 100 ते 250 रुपया मेरेन एक मेळटा. बाजारांत मानकुराद आंब्याचो दर डझनाक एक ते अडेज हजार रुपया आकारा प्रमाण आसा. हापूस आंब्याचो दर डझनाक 500 ते 800 रुपया विकतात. तोतापुरी आंबो 150 ते 200 रुपया डझन, पायरी आंबो रु. 250 रुपया डझन आसा.
सोमारा पणजी बाजारांत कांय भाजयांचें दर वाडले. वालपापडीचें दर 140 रुपया कील मेरेन वाडलां.
कोबीची एक गड्डो 40 रुपया जाल्यार फ्लॉवर 40 रुपया आशिल्लो.आल्याचे दर 120 ते 140 रुपया कील आशिल्ले. जाल्यार लसूण आकारा प्रमाण 200 ते 300 रुपया कील अाशिल्ली. मेथी 20 रु., शेपू 15 रु., पालक 10 रु., कांद्याची पात 10 रु. अाशिल्ली.
सोमारा फलोत्पादन मंडळाच्या गाड्यांचेर भेंडी 20 रु. , कोबी 16 रु. ,गाजर 28 रु, फ्लॉवर 23 रु. एक नग, वालपापडी 108 रु., मिरसांग 47, कांदाे 25 रु., बटाट 31 रु. जाल्यार टमाट 23 रु. कील अाशिल्लें,
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
