भांगरभूंय | प्रतिनिधी
पणजी: दिवजा सर्कला कुशीक आशिल्ल्या तळ्यांत काल (सोमारा) सकाळीं एका अनवळखी मनशाची उफेवपी कूड सांपडली. ह्या प्रकरणांत पणजी पुलिसांनी सैमीक मरण म्हूण नोंद करून तपास सुरू केला.
मेळिल्ले म्हायती प्रमाण काल सकाळीं 10.45 वरांचेर एक मनीस तळ्यांत पडिल्ल्याची म्हायती पुलीस आनी उजो पालोवपी दळाक मेळ्ळी. हाची दखल घेवन पुलीस नियंत्रण कक्षाचें वाहन आनी उजो पालोवपी दळाचे कर्मचारी घडणूक थळार पावले. उपरांत दळाच्या जवानांनी तळ्यांत देंवून त्या मनशाची कूड भायर काडली.
ह्या प्रकरणांत पुलीस उपनिरिक्षक अमीर तरल हांणी कुडीचो पंचनामो करून कूड ताब्यांत घेतल्या. मजगतीं, ह्या मनशाची वळख पटिल्ली ना. ताका लागून कूड फुडले प्रक्रिये खातीर बांबोळे मड्या कुडींत दवरल्या. ह्या प्रकरणांत पुलीस उपनिरिक्षक अमीर तरल हांणी सैमीक मरण म्हूण नोंद करून फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
