भांगरभूंय | प्रतिनिधी
संगीत शारदा विद्यालय मंदीर बाल पंगड, बायलांचो श्री सांतेरी प्रासादीक संगीत संस्था आनी शारदा संगीत विद्यालय दादल्यांचो पंगड जैतवंत
पणजी: कला अकादमी वतीन आयोजीत केल्ल्या पं. मनोहरबुवा शिरगांवकर स्मृती राज्य पांवड्यावेल्या बाल कलाकार, बायलां कलाकार आनी दादलो कलाकारांची भजन सर्त हालींच फोंडेंच्या राजीव गांधी कला मंदिरांत आयोजीत केल्ली.
बाल कलाकार भजन सर्तींत संगीत शारदा विद्यालय मंदीर, धाकटें भाट, डोंगरी-तिसवाडी हांकां पयलें इनाम, दुसरें इनाम विद्यावर्धक मंडळ, दिवचल, तिसरें श्री शांतादुर्गा भजनी मंडळ, बांदोडें-फोंडें आनी चोवथें इनाम श्री कृष्ण नागझरकार बाल भजनी मंडळ, भोमा-फोंडें हांकां फावो जालें. हे सर्तीचीं उमेद वाडोवपी इनामां स्वरदिप कल्चरल असोसिएशन, आमोणें-दिवचल आनी श्री राम सेवा संघ बाल भजनी मंडळ, मोठा गट, मयडें हांकां फावो जालें.
उत्कृश्ठ गायनाचें इनाम (पयलो अभंग) साईशा संजय मोने (विद्यावर्धक मंडळ, दिवचले) हांकां भेटयलें. जाल्यार उत्कृश्ठ गायन(दुसरो अभंग) दिपराज दामोदर गावडे (श्री कृष्ण नागझरकर बाल भजनी मंडळ) हांकां फावो जालें. श्रावणी विष्णू नायक (श्री शांतादुर्गा भजनी मंडळ) हांका उत्कृश्ठ गवळण/ भारुडगायना खातीरचें इनाम भेटयलें. जाल्यार उत्कृश्ठ पखवाजसाथीच्या इनामा खातीर दक्ष देवानंद कुर्टिकार (संगीत शारदा विद्यालय मंदीर) हांची नेमणूक जाली. अविघ्न एकनाथ फडते (स्वरदीप कल्चरल असोसिएशन) हांकां पेटी साथ खातीर इनाम दिलें. नागेश फडते, बाळकृष्ण मराठे, महेन्द्र गांवकार, गौरी नायक भट आनी गौरी नायक भोसले हांणी हे सर्तीच्या परिक्षणाची जापसालदारी सांबाळ्ळी.
बायलां कलाकारांचे सर्तींत श्री सांतेरी प्रासादीक संगीत संस्था, बेतोडें-फोंडें हांकां पयलें इनाम जाल्यार श्री बेताळदेव महिला भजनी मंडळ, तामसुली, खांडोळा-फोंडें हांकां दुसरें, तिसरें इनाम श्री नागेश महारुद्र भजनी मंडळ, कुडका-तिसवाडी आनी चोवथें इनाम श्री सांतेरी केळबाय बारावंश महिला भजनी मंडळ न्यू कॉलनी, मोर्ले-सत्तरी हांकां जाहीर केलें. हे सर्तीचीं उमेद वाडोवपी इनामां श्री महादेव भुमिका घवनाळेश्वर महिला भजनी मंडळ, साळ-दिवचल आनी श्री शिव समर्थ सांस्कृजीक मंडळ, वास्को हांकां फावो जालीं.
उत्कृश्ठ गायनाचें पयलें इनाम (पहिलो अभंग) धृती आनंद सालेलकार (श्री सांतेरी प्रासादीक संगीत संस्था), जाल्यार दुसरें इनाम (पयलो अभंग) रिचा संजय गांवकार (श्री बेताळदेव महिला भजनी मंडळ) हांकां भेटयलीं. उत्कृश्ठ गायनाचें पयलें इनाम (दुसरो अभंग) रुतिका संजय गांवकार (श्री बेताळदेव महिला भजनी मंडळ), दुसरें इनाम (दुसरो अभंग) निता गुरुदास गांवस (श्री सांतेरी केळबाय बारावंश महिला मंडळ)हांकां भेटयली. सिध्दी कालिदास होळकार (श्री शिव समर्थ सांस्कृतीक मंडळ) हांकां उत्कृश्ठ गवळण/ भारुडगायना खातीरचें पयलें इनाम, जाल्यार दिव्यता रशिकांत सालेलकार (श्री सांतेरी प्रासादीक संगीत संस्था) हाका दुसरें इनाम भेटयलें. उत्कृश्ठ पखवाजसाथीचें पयलें इनाम राखी जयदेव नायक (शिवप्रसाद सातेरी महिला भजनी मंडळ), जाल्यार दुसरें विधी विश्वास मापारी (श्री साई दिगंबर महिला भजनी मंडळ) हांकां फावो जालें. तशेंच विभा विश्वास मापारी (श्री साई दिगंबर महिला भजनी मंडळ, आसगांव-बार्देस) हांकां पेटये खातीर पयलें आनी अंतरा महेश वारीक (कण्व किएशन, काणकोण)हाका दुसरें इनाम फावो जालें. श्री गणेश पार्सेकार, नितीन कोरगांवकार, सुनिल दिवकार, लक्ष्मण पालयेंकरा आनी तुळशिदास पालकार हांणी हे सर्तीचें परिक्षण सांबाळ्ळें.
दादलो कलाकारांचे सर्तींत शारदा संगीत विद्यालय, हेडलॅण्ड सडा-वास्को हांकां पयलें, श्री लक्ष्मी भजनी मंडळ, वेलकास, सावयवेरें, फोंडें पंगडाक दुसरें इनाम फावो जालें. तशेंच सर्तीचें तिसरें इनाम श्री रामपुरुष आदिनाथ भजनी मंडळ, उसगांव-फोंडें हांकां, जाल्यार चोवथें इनाम श्री शंकरनाथ भजनी मंडळ, चरावणें-सत्तरी हांकां जाहीर केलां. हे सर्तीचीं उमेद वाडोवपी इनामां श्री भगवती चिंबलकरीण भजनी मंडळ, चिंबल-तिसवाडी आनी दाडेश्वर मुळवीर कला आनी सांस्कृतीक मंडळ, अमई-पेडणें हांकां फावो जालीं. उत्कृश्ठ गायनाचें पयलें इनाम (पहिलो अभंग) गौरांग भांडिये (श्री लक्ष्मी भजनी मंडळ) दुसरें इनाम (पयलो अभंग) ज्ञानेश्वर कृष्णा गांवस (श्री शंकरनाथ भजनी मंडळ) हांकां भेटयलें. उत्कृश्ठ गायनाचें पयलें इनाम (दुसरो अभंग) रघुनाथ रामा परब (श्री सांतेरी केळबाय कला आनी सांस्कृतीक भजनी मंडळ), दुसरें (दुसरो अभंग) वेदांत महादेव च्यारी (श्री रामपुरुष आदिनाथ भजनी मंडळ) हांकां भेटयलीं. दिगंबर देवारी (श्री नवदुर्गा भजनी संघ) हांकां उत्कृश्ठ गवळण/ भारुडगायना खातीरचें पयलें इनाम जाल्यार मुकुंद शिवराम परब (श्री सांतेरी कला आनी संस्कृतीक मंडळ) हाका दुसरें इनाम मेळ्ळेें. उत्कृश्ठ पखवाजसाथीच्या पयल्या इनामा खातीर अमेय पटवर्धन (शारदा संगीत विद्यालय), जाल्यार रोहित वेर्णेंकार (श्री भगवती चिंबलकरीण भजनी मंडळ) हाची दुसर्या इनामा खातीर नेमणूक जाली. अनिकेत सुरेश तोरसकार (शारदा संगीत विद्यालय) हाका पेटये खातीर पयलें, जाल्यार गौतम रामा गावडे (श्री रामपुरुष आदिनाथ भजनी मंडळ) हाका दुसरें इनाम फावो जालें. गोरख मांद्रेंकार, गुरुदास गांवकार, कमलाकांत गांवस, सुभाष फातर्पेकार आनी सुरजित थळी हांणी सर्तीची परीक्षणाची जापसालदारकी सांबाळ्ळी.
बाल आनी महिला कलाकारांच्या इनामां भेटवण कार्यावळीक शेती मंत्री रवी नायक, कला आनी संस्कती संचालनालयाचे संचालक सगूण वेळीप, राजीव गांधी कला मंदिराचे वांगडी सचीव गिरीश सावंत, तशेंच दादलो कलाकारांचा इनामां भेटवण कार्यावळीक मुख्यमंत्री डॉ. प्रमोद सावंत, कला आनी संस्कृती मंत्री गोविंद गावडे आनी संस्कृती संचालनालयाचे संचालक सगूण वेळीप आनी परिक्षक मंडळ हाजीर आशिल्ले.
कला अकादमीचे वांगडी सचीव विनेश आर्लेकार हांणी प्रास्तावीक आनी येवकार दिलो. कार्यावळ आनी उदरगत अधिकारी प्रदीप गांवकार हांणी उपकार, जाल्यार लेखाधिकारी मनिषा कांसकार हांणी फुलांचे तुरे भेटोवन मानेस्तांक येवकार दिलो. सर्तीचें सुत्रसंचालन आनी प्रमाणपत्रांचें वाचन कार्यावळ अधिकारी संजीव झर्मेंकार जाल्यार विभागीय पांवड्यावेल्या प्रमाणपत्रांचें वाचन कार्यावळ अधिकारी प्रशांत नागेशकार हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
