भांगरभूंय | प्रतिनिधी
भांगरभूंय । प्रतिनिधी
वाळपयः गुळेली पंचायत वाठारांतल्या पैकुळ हांगा वचपा खातीर आशिल्ल्या पांयपुलाचे रेलिंग फाटल्या जून म्हयन्यांत आयिल्ल्या रगाडा न्हंयेक आयिल्ल्या हुवारांत व्हांवन गेल्ल्यान ताची दुरुस्ती करची वा गांवांत पंचायत मतदान केंद्राची वेवस्था करची अशी गांवांतल्या लोकांची मागणी आशिल्ली. हे वेवस्था करपाचें वेंचणूक अधिकाऱ्यांनी थारायलां आनी ताची पूर्वतयारी सुरू केल्या.
पोरूं पावसात पैकुल पूल व्हांवन गेल्ल्या उपरांत उदकास्रोत खात्यान पांयपुलाची वेवस्था केल्ली. फाटल्या जून म्हयन्यांतल्या हुवारांत ताचे रेलिंग व्हावन वचून ताचे वयल्यान वचप धोक्याचें जाल्लें. हो पूल सारको केलो ना जाल्यार पंचायत वेंचणुकेचेर वहिश्कार घालपाची शिटकावणी लोकांनी दिल्ली. आतां गांवतूच मतदान करपाची वेवस्था करतले.
मतदान करपाची वेवस्था गांवातूच जातली हे खातीर लोकांनी वेंचणूक अधिकाऱ्यांचे उपकार मानल्यात. येता त्या 10 ऑगस्टाक पंचायत वेंचणुकेचें मतदान जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
