भांगरभूंय | प्रतिनिधी
नवी दिल्ली, खबरां संस्था ः भारतांतल्या इलेक्ट्रीक वाहनांचो फुडार बरो जातलो आनी तातूंत इंटरसिटी सेवा दिवपी इलेक्ट्रीक बशींचो मुखेल वांटो आसतलो. न्यूगो ही भारतांतली पयली पुराय इलेक्ट्रीक एसी स्लीपर बस सेवा सुरू केल्या. न्यूगोची इलेक्ट्रीक इंटरसिटी स्लीपर बस सेवा सुरू करप हें भारतांत शाश्वत येरादारीचे दिकेन एक मुखेल येस.
खंयच्या मार्गांचेर धांवतली?
देशभरांतल्या मुखेल मार्गांचेर ही नवी सेवा चालीक लावन स्लीपर बस सेवा घटमूट करपाची येवजण न्यूगोन आंखल्या. नेगोची एसी स्लीपर बस सेवा दिल्ली-अमृतसर, बेंगळुरू-चेन्नय, हैदराबाद-राजमुंद्री, चेन्नय-मदुराय, विजयवाडो-विशाखापट्टणम आनी बेंगळुरू-मदुराय ह्या मार्गांचेर उपलब्ध आसतली.
आरामदायक स्लीपर बर्थ
न्यूगोची स्लीपर बस 450 kWh HV बॅटरी सयत प्रमाणीत जावपी भारतांतली पयली बस सेवा आसा. हे बशीक लागून लांब अंतराचेर प्रवास करप सोंपें जातलें. तातूंत सोयीस्कर स्लीपर बर्थ, बॅक-रेस्ट आनी बरी हेडरूम आशिल्ली व्हड आनी एर्गोनॉमिक डिझायन अशीं प्रीमियम खाशेलपणां आसात. न्यूगोची ही नवी सेवा प्रवाशांक लक्झरी प्रवासाचो अणभव दितली.
खाशेलपण…
न्यूगोच्या पयल्या इलेक्ट्रीक स्लीपर एसी बसींत सॉफ्ट टच इंटीरियर आनी एम्बियंट एलईडी लायटी, यूएसबी चार्जिंग पोर्ट आनी नायट रीडिंग लॅम्प, आधुनीक नितळसाण सुविधा आनी बर्थ पॉकेट आसात. ह्या न्यूगो बशींत बायलांचे सुरक्षे खातीर जायत्यो सुविधा आसात. तातूंत 24×7 बायलां खातीर हेल्पलायन, पिंक सीट फीचर (तिकीट बुकींग करतना बायलां खातीर सुरक्षीत सेफ सीट ऑप्शन), सीसीटीव्ही सर्व्हेलन्स, जीपीएस लायव्ह ट्रॅकिंग, ड्रायव्हर ब्रेथ अॅनालायझर टेस्ट हांचो आस्पाव आसा.
न्यूगोच्या इंटरसिटी स्लीपर एसी बशींत 80 किमी दर वरांचे गतीन स्पीड लॉक, उत्तम हाताळणी आनी स्थिरताय खातीर मोनोकॉक चेसिस, एबीएस ब्रेकिंग प्रणाली, इलेक्ट्रॉनिक स्टेबिलिटी कंट्रोल, रोलओव्हर-प्रोटेक्टेड स्ट्रक्चर, फुल एअर सस्पेंशन आनी ईसीएएस सिस्टिम, 350 किमी दर चार्ज रेंज सयत रिजनरेटिव्ह ब्रेकिंग टेक्नॉलॉजी सयत रिजनरेटिव्ह ब्रेकिंग टेक्नॉलॉजी आसा जी फास्ट चार्जिंग सयत दर दिसा 600 किमी मेरेन वाडंवक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
