भांगरभूंय | प्रतिनिधी
भारतीय नौदळांत अधिकारी जावपाचें सपन पळोवपी तरणाट्यां खातीर एक भांगराळी संद चलून आयल्या. नौदळान जून २०२४ अभ्यासक्रमा खातीर २२४ शॉर्ट सर्व्हीस कमिशन ऑफिसर्स खातीर (एसएससी ऑफिसर) अधिसुचवणी जारी केल्या. ह्या पदां खातीर ऑनलाइन अर्ज भरपाची निमाणी २९ ऑक्टोबर अशी आसा. इत्सूक आनी पात्र उमेदवार भारतीय नौदळाची वेबसायट joinIndianavy.gov.in चेर वचून अर्ज भरचे.
नौदळान एसएससी परीक्षे संबंसी सगळी गरजेची म्हायती नमूद करून पीडीएफ स्वरूपांत अधिकृत अधिसुचवणी जारी केली. ज्या उमेदवारांची निवड करतले तांकां भारतीय नौदळ अकादमी, एझिमाला केरळ हांगां फुडल्या प्रशिक्षणा खातीर धाडटले.
ह्या पदां वरवीं २२४ रित्यो सुवातो भरतले. हातूंत शिक्षण फांट्या खातीर १८, तांत्रीक फांट्या खातीर १०० आनी एक्झेक्युटीव खातीर १०६ जागे आसात.
सामान्य सेवा GS(X)/Hydro Cadre: ४० पदां
हवाई येरादारी नियंत्रक (ATC): ८ पदां
नेव्हल एअर ऑपरेशन्स ऑफिसर: १८ पदां
पायलट: २० पदां
लॉजिस्टिक्स: २० पदां
शिक्षण : १८ पदां
अभियांत्रिकी फांटो सामान्य सेवा (GS): ३० पदां
इलेक्ट्रिकल फांटो सामान्य सेवा (GS): ५० पदां
नेव्हल कन्स्ट्रक्टर: २० पदां
फॉर्म भरपाची पात्रताय
एक्झेक्युटीव्ह शाखा: उमेदवारांनी ६० टक्के गुणां सयत खंयच्याय विशयांत BE/B.Tech आसप गरजेचें.
शिक्षण शाखा: उमेदवारांनी खंयच्याय मान्यताय मेळिल्ले संस्थेंतल्यान संबंदीत विशयांत ६० टक्के गुणां सयत M.Sc पदवी आसप गरजेची.
तांत्रीक शाखा: (i) ऑटोमेशना सयत मेकॅनिकल/मेकॅनिकलांत ६० टक्के गुणां सयत BE/B.Tech मरीन, इन्स्ट्रुमेंटेशन, उत्पादन, एरोनॉटिक्स, उद्देगीक अभियांत्रिकी आनी वेवस्थापन, नियंत्रण अभियांत्रिकी, एरो स्पेस; ऑटोमोबायल धातूविज्ञान, मेकॅट्रॉनिक्स, इन्स्ट्रुमेंटेशन आनी कंट्रोला कडेन संबंदीत फाट्यांत पदवी आसप गरजेचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
