भांगरभूंय | प्रतिनिधी
मुंबय, खबरां संस्था: नोव्हेंबरात वट्ट ७ बॉलिवूड चित्रपट प्रदर्शीत जातले. द लेडी किलर, UT- 69, आंख मिचौली आनी हुकुस- बुकुस हे चार चित्रपट फाल्यां शुक्रारा ३ नोव्हेंबराक प्रदर्शीत जातले. उपरांत लाखांनी सिनेमोगींचें लक्ष लागून आशिल्लो सलमान खान स्टारर ‘टायगर ३’ दिवाळेच्या म्हुर्ताचेर १२ नोव्हेंबराक प्रदर्शीत जातलो.
‘खिचडी-२’ १७ नोव्हेंबराक रिलीज जातलो. सलमान खानाची भाची अलिझेह अग्निहोत्रीचो डेब्यू सिनेमा ‘फर्रे’ २४ नोव्हेंबराक थेटरांनी येतलो. ह्या सगल्या चित्रपटां विशीं –
द लेडी किलर
३ नोव्हेंबर
दिग्दर्शक- अजय बहल
कलाकार- अर्जून कपूर, भुमी पेडणेंकार
सुरवातेक अर्जुन कपूर आनी भुमी पेडणेंकाराचो ‘द लेडी किलर’ येता. ही एक मर्डर मिस्ट्री. ट्रेलर हालींच रिलीज जाला. चित्रपटाची कथा एका ल्हानश्या शारांतलो प्लेबॉय आनी एक रहस्यमय चली हांचे मदीं विणल्या. हातूंत अर्जुन आनी भूमी पयलेच फावट वांगडा काम करतलीं.
चित्रपट- UT-69
तारीख- ३ नोव्हेंबर
दिग्दर्शक- शाहनवाज अली
कलाकार- राज कुंद्रा, कुमार सौरभ
ह्या चित्रपटांतल्यान शिल्पा शेट्टीचो घोव राज कुंद्रा अभिनय मळार पावल दवरता. पॉर्नोग्राफी प्रकरणांत आडकले उपरांत राजान मुंबयचे आर्थर रोड बंदखणींत घालयल्ल्या वेळाचो उल्लेख तातूंत आसा.
चित्रपट- आंख मिचौली
तारीख- ३ नोव्हेंबर
दिग्दर्शक- उमेश शुक्ला
कलाकार – मृणाल ठाकूर, परेश रावल, अभिमन्यू दासानी आनी विजय राज
ह्या कॉमेडी चित्रपटाची कथा एका अशा कुटुंबा भोंवतणी विणल्या, जे आपले चलयेचें लग्न लावपाक फट उलयतात. हो चित्रपट पयलीं २७ ऑक्टोबराक रिलीज जावपाचो आशिल्लो.
चित्रपट- हुकुस-बुकुस
तारीख- ३ नोव्हेंबर
दिग्दर्शक- विनय भारद्वाज आनी सौमित्र सिंग
कलाकार – दर्शील सफारी, अरुण गोवील, गौतम विग
२००७ त रिलीज जाल्ल्या आमिर खानच्या ‘तारे जमीन पर’ या चित्रपटांतल्यान बालकलाकार म्हणून पदार्पण केल्लो अभिनेतो दर्शील सफारी हातूंत मुखेल भुमिकेंत आसा. ह्या चित्रपटांत तो सचीन तेंडुलकराचो व्हड फॅन आसता. कथा भगवान कृष्ण, काश्मीर आनी क्रिकेट हाचे भोंवतणी विणल्या.
चित्रपट- टायगर-३
तारीख- १२ नोव्हेंबर
दिग्दर्शक- मनीष शर्मा
कलाकार – सलमान खान, कतरिना कैफ, इमरान हाश्मी
सलमान खानाचे सुपरहिट टायगर मालिकेंतलो हो तिसरो आनी यशराज फिल्म्साच्या जासूस मालिकेंतलो पांचवा चित्रपट. ह्या वेळार चित्रपटांत भारतीय एजंट टायगर आपल्या कुटुंबाक दुस्माना पसून वांचयतना दिसतलो. इमरान हाश्मी पयलेच फावट खलनायकाचे भुमिकेंत दिसतलो.
चित्रपट- खिचडी-२
तारीख- १७ नोव्हेंबर
दिग्दर्शक – आतिश कपाडिया
कलाकार – सुप्रिया पाठक, राजीव मेहता, अनंग देसाय, जेडी मजीठिया
ह्या चित्रपटाचो पयलो भाग २०१० त प्रदर्शित जाल्लो. टिव्ही सिरियलाचें नांव, कथा आनी स्टारकास्टा वांगडा जाल्लो हो पयलोच बॉलिवूड चित्रपट जावन आसा.
चित्रपट- फर्रे
तारीख- २४ नोव्हेंबर
दिग्दर्शक- सौमेंद्र पाधी
कलाकार – अलिझेह अग्निहोत्री, साहिल मेहता, प्रसन्ना बिश्त
सलमान खानाची भाची अलिजेह अग्निहोत्री ह्या चित्रपटांतल्यान बॉलिवूडांत पदार्पण करतली. ह्या चित्रपटाची कथा फटवणूक करून परीक्षेंत पास जाल्ल्या ४ किशोरवयीन विद्यार्थ्यांची आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
