भांगरभूंय | प्रतिनिधी
खबरां संस्था
सां पावलोः तीन वर्ल्ड कप जैतिवंत आनी फुटबॉल खेळांतलो सर्वोत्कृश्ट खेळगड्यांतलो एक आशिल्लो पेले हाका फाटीं उडोवन नेयमार ब्राझिल पंगडा खातीर सगल्यांत चड गोल करपी खेळगडो थारला. बोलिव्हिया आड वर्ल्ड कप पात्रतायेचे मॅचींत नेयमारान दोन गोल केलें. हातूंतल्या पयल्या गोला सयत नेयमारान ब्राझिला वतीन सगल्यांत चड गोल करपाचो विक्रम आपल्या नांवार केलो.
बेलेम हांगा जाल्ले हे मॅचींत 31 वर्सां पिरायेच्या नेयमारान आपलो पयलो गोल 61व्या निनटाक केलो. व्हो तांचो आंतरराष्ट्रीय कारकिर्दींतलो 78वो गोल आशिल्लो. हाका लागून ताणे पेले हांचो 77 गोलांचो विक्रम मोडलो. ब्राझिलान हे मॅचींत 5-1 अशें जैत मेळयलें. नेयमारान हे मॅचींत पंगडा खातीर चवथो आनी पांचवो गोल केलो. आता तांचे वट्ट 79 गोल जाल्यात.
क्लब फुटबॉलांत आतां सौदी अरेबियांतल्या अल- हिलालाचे पतिनिधीत्व करपी नेयमाराक बोलिव्हियाआड 17व्या मिनटाक पेनल्टीच्या पालवान गोल करपाची संद आशिल्ली, मात तो बॉल गोल बॉक्सांत मारपाक चुकलो. आत दुसऱ्या सत्रांत ताणे दोन गोल केले. नेमयाराचो विक्रम तांच्या खेळगड्यांनी मैदानातं मनयलो. पोरूं डिसेंबर म्हयन्यांत पेले हाका मरण आयिल्लें. ताणे ब्राझिला खातीर खेळटना 92 मॅचींत 77 गोल केल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
