भांगरभूंय | प्रतिनिधी
सांगें: नेत्रावळे श्रीदत्तगुफा दत्त मंदिरांत गांवांतल्या अठरा जाणांनी एकठांय येवन श्रावणी बिरेस्तार व्हड उमेदीन मनयलो. ते निमतान अंदूं अठरा जाणांचे वतीन सांगेंचे भजनी कलाकार धर्मू आपू शेट करमळकार हांचो आनी तांच्या घरकान्नीचो देवस्थानाचे पुरयत जोशी हांचे हस्तुकीं शाल, श्रीफळ आनी भेट वस्तू दिवन भोवमान केलो. ह्या वेळार व्हड संख्येन भजनी कलाकार हाजीर आशिल्ले.
अठरा जाणांचो गट दर वर्सा विवीध सुवातांनी भजनाची कार्यावळ करीत आसतात. तातूंत श्रावण म्हयन्यांत ह्या अठरा जाणांची उमेद व्हड प्रमाणांत दिसून येता. दर वर्सा हो गट एका भजनी कलाकाराचो भोवमान करता. अंदूं हो भोवमान करमळकार जोडप्याक लाबलो.
ह्या अठरा जाणांच्या भजनी गटांत जयकृष्ण विचुंद्रेंकार, सीताराम गांवकार, उल्हास गांवकार, मंदार मोरजकार, कृष्णा गांवकार, सुभाष गांवकार, प्रशांत गांवकार, गोपी वेळीप, अंकूश मडवळ, प्रदीप गांवकार, प्रसाद गांवकार, प्रेमानंद च्यारी समीर मडवळ, दामू गांवकार, सुभाष पा. गांवकार, गोकुळदास गांवकार, उल्हास गांवकार हांचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
