भांगरभूंय | प्रतिनिधी
नुवेंच्या कार्मेल म्हाविद्यालयान मडगांवच्या दामोदर वाणिज्य म्हाविद्यालया वतीन आयोजीत केल्ले आंतरम्हाविद्यालयीन बायलांचे पावरलिफ्टिंग सर्तीचें सांघीक वस्तादपण जोडलें.
सर्तींत राज्यातंल्या विवीध म्हाविद्यालयांतल्यान 125 बायल स्पर्धकांनी वांटो घेतिल्लो. सर्तीचें परिक्षक म्हणून अॅण्ड्र्यू गोम्स, गोविंद लोटलीकार, तनूज किनोळकार, नेहाल कोमरपंत, सतीश मांद्रेंकार, पुर्णय रायकार, सोहम मोहिते, व्हियोला रॉड्रिग्स हांणी काम पळयले.
कार्यावळीक मुखेल सोयरे म्हणून विक्रम वेर्लेंकार उपस्थीत आशिल्ले. समन्वयक म्हणून डॉ. अजिंक्य कुडतरकार आनी सौरभ रायकार हांणी काम पळयलें. प्राचार्य डॉ. प्रीता मल्ल्या हांचें मार्गदर्शन लाबलें.
सर्तीचें उप वस्तादपण पणजीच्या डॉन बॉस्को म्हाविद्यालयाक फावो जालें. तिसरी सुवात नावेलीच्या रोझरी म्हाविद्यालयाक फावो जाली. फर्मागुडीच्या आरएसएन म्हाविद्यालयाची स्वाती नायक सर्तींतली बळिश्ट बायल खेळगडी थारली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
