भांगरभूंय | प्रतिनिधी
भांगरभूंय । पत्रक
पणजीः एनईईटी युजी 2022 (नीट यूजी) परिक्षेंत 705 गुण मेळोवन आकाश बायजूज- गोंयची विद्यार्थिनी अनुष्का कुलकर्णीन गोंयांत पयली आनी देश पांवड्यार 24वी सुवात मेळयली. दिल्लीतल्या प्रतिश्ठेच्या एम्स वैजकी म्हाविद्यालयांत प्रवेश घेवन न्यूरोसर्जन जावपाची ताची इत्सा आसा.
11वींत आसतना अनुष्कान दोतोर जावपाचे थारायल्लें. नीट परिक्षेची तयारी करपा खातीर ताणे आकाश बायजूजांत प्रवेश घेतिल्लो. एक म्हयन्या उपरांत गणित विशया परस मायक्रोबायोलॉजींत चड रुच आशिल्ल्यान ताणे आकाश बायजूजाचे सराव चांचणींत वरवीं आपले खंय चुकतो हाचो सोद घेतले उपरांत 700 परस चड गुण मेळपाक लागले
म्हज्या ह्या येसांत आकाय बायजूजाच्या टॅस्ट सिरिजाचो व्हडलो वांटो आसा. चांचणी सराव आनी प्रश्नांचो दर्जो हाचो म्हाका खूब लाब जालो अशें अनुष्कान सांगलें. आकाय़ बायजूजाचे ऑनलायन वर्ग बरे आनी प्रभावी आशिल्ले. दरेक गजाल म्हाका समजली हाची खात्री म्हजे शिक्षक करून घेताले अशें तांणे सांगलें.
मूळ कर्नाटकांतल्या अनुष्काचो जल्म महाराष्ट्रांत जालो आनी शिक्षण गोंयांत. तिचो बापूय वेवसायीक सल्लागार आनी आवय बँकेंत काम करता. नीट परिक्षा दिवपाक सोदपी विद्यार्थ्यांक कितें सांगपाक सोदता, अशें विचारलें तेन्ना अभ्यासाची खंयची पद्दत आपले खातीर बरी तें पयलीं समजून घेवपाक जाय. दिसाक 10-15 वरां अभ्यास करपाची कांयच गरज ना. हांवें फकत 6-7 वरां अभ्यास केलो अशें ताणे सांगलें. आकाश बायजूजाच्या थळाव्या केंद्रा कडेन संपर्क दवोरून घरांतल्या चांचणी परिक्षा दिवपाक जाय अशेंय ताणे सांगलें.
आमचे खातीर अनुष्काचें येश हो आनीक एक अभिमानाचो खीण आसा. तिचे पसून गोंयांतले हेर विद्यार्थी नवी प्रेरणा घेतले हाची म्हाका खात्री आसा अशें आकाश बायजूजाचे वेवस्थापकीय संचालक आकाश चौधरी हांणी सांगलें. आमच्या इन्टेन्सिव्ह टॅस्ट सिरीज आनी फायनल टॅस्ट सिरीजाचो विद्यार्थ्यांक परिक्षेची तयारी करपाक सामको उपेग जाता अशें तांणी सांगलें.
आकाश बायजूजा वरवीं विद्यार्थ्यांक नीट तशेंच अभियांत्रिकी प्रवेश परिक्षा, शालांत मंडळाच्यो परिक्षा तशेंच एनटीएसई, केव्हीपीवाय आनी ऑलिम्पियाड अश्या सर्तीच्या परिक्षेचे तयारे खातीर सर्वंकश चांचणी तयारी आनी मार्गदर्शन सेवा उपलब्द करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
