भांगरभूंय | प्रतिनिधी
भांगरभूंय । प्रतिनिधी
फोंडेंः निरंकाल- बेतोडें हांगा राबित्याक आशिल्ले माकड मारी जमातीचे लोक फाटल्या कांय वर्सां सावन आपले वस्तीर चवथ मनयतात. मात कोरोनाक लागून फाटलीं तीन वर्सां तांकां फकत देड दीस गणपती पुजचो पडिल्लो. तांच्या लोकांक कोरोनाची लागण जावची न्हय हे खातीर ताणी 11 दीस गपपती पूजपाचें सांगणे केल्ले. ते प्रमाण ताचे वस्तीर अजून इकार दिसांचो गणपती आसतलो.
2020 सावन कोरोनाचो सांवार सुरू जाल्लो. माकड मारे चड करून पांच ना जाल्यार सात दीस गपणती पूजतात. मात कोरोनाक लागून फाटली तीन वर्सां तांकां देड दीस गणपती पूजचो पडलो. कोरोनाचें संक्रमण जावचें न्हय हे खातीर 11 दीस गपणपती पूजपाचें सांगणे गणपती सामकार केल्लें. सध्या कोरोना संसर्ग उणो जाल्यान सांगणे पुराय करपाचें थारावन ताणी वस्तीर गणपती पूजपा खातीर खासा शेड उबारून हेर तयारी सुरू केल्या.
गणपतीक सांगणे केल्लें तें प्रमाण अदूं आमचो गणपती 11 दिसांचो आसतलो. ते खातीर खर्च येतलो ते खातीर समाज वावुरपी आनी दानशूर लोकां कडल्यान निधी एकठांय करपाचो आमचो यत्न आसतलो असें जमातीचो मुखेली गोपाळ परवार हांणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.