भांगरभूंय | प्रतिनिधी
सावयवेरें, प्रतिनिधी : सावयवेरें – भूतखांब – आर्ल – केरी ह्या मार्गा वयलें रस्त्याचें वयर सरिल्लें डांबरीकरण भौशीक बांसकाम खात्या वतीन सारकें केल्ल्यान वाहन चालकांनी समाधान उक्तायलां.
सावयवेरें ते आर्ल ह्या रस्त्याचेर एके वटेन डांबरीकरण वयर उखल्लां. तशेंच फाटल्या कितल्याशाच म्हयन्यां सावन फोंडकुलां पडिल्लीं. वाहनचालक विशेश करून दोन चाकी चालक हीं फोंडकुलां चुकोवपा खातीर पलतडचे दिकेन वाहनां चलयताले. ताका लागून कांय अपघातूय हांगा जाले.तशेंच आर्ल – भूतखांब रस्त्यार ‘यू ’ आकाराचें वोल्त आसा. ह्या वोल्तार एके वटेन बरींच फोंडुलां पडिल्लीं. हीं फोंडकुलांय पुरयल्ल्यान वाहन चालकांनी समाधान उक्तायलें.
कांय दिसां पयलीं हांगा बांदकाम खात्या वतीन मशीना वरवीं नांवा पुरतीं फोंडकुलां पुरयल्लीं. चडशीं फोंडकुलां पुरोवंक नाशिल्लीं. ताका लागून हो रस्तो येरादारीक खातीर धोको निर्माण करतालो. हीं फोंडकुलां बेगीन पुरोवचीं अशी मागणी वाहन चालक करताले. हे मागणेची दखल घेवन फोंडकुलां पुरिल्ल्यान वाहन चालकांनी बांदकाम खातें तशेंच ह्या वाठाराचे आमदार गोविंद गावडे हांचे उपकार मानल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
