भांगरभूंय | प्रतिनिधी
भांगरभूंय । प्रतिनिधी
म्हापशेंः मूळ गोंयकार मात मुंबय रावपी नामनेचो मूर्तीकार पांडुरंग राठवड (83) हांका फाटल्या 20 सप्टेंबराक मुंबय मरण आयलें. बिरेस्तारा तांचेर मालाड- मुंबय हांगा निमणे संस्कार केले. ताच्या फाटल्यान दोन चले, चली, सुनो आनी नातवंडां असो घराबो आसा. म्हापश्यातले ज्येश्ठ पत्रकार नारायण राठवड हांचो तो व्हडलो भाव.
राठवड हाणे मुंबयत कलाकार म्हणून नामना मेळयली. गिरगांव, मालाड आनी हेर कडेन व्हडल्यो गणपती मूर्ती ते हातांनी तयार करताले. म्हापश्यांतली देवी सातेरी देवळांत दुर्गेच्यो णव मूर्ती, मंडपाच्या दारा वयलो नटराज, नाशिक हांगच्या विश्वयोग दर्शन योगपिठांत ताणे तयार केल्ली शिवशंकराची आठ फुटांची मूर्ती पळोवपा सारकी आसा. ते नाट्य कलाकार, नाट्य लेखक, साहित्यीक आनी तबलें वादक आशिल्ले. राठवड हाच्या मरणान गोंय आनी महाराष्ट्रान एक बरो कलाकार वोगडायला अशें गोंय फायन आर्ट कॉलेजाचे आदलो प्राचार्य महेश वेंगुर्लेकार आनी कलाकार संजय हरमलकार हाणी सांगलां. आदलो केंद्रीय मंत्री रमाकांत खलप हाणेय राठवड हाच्या मरणाक लागून दुख्ख उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
