भांगरभूंय | प्रतिनिधी
केरी-सत्तरी: सुरश्री केसरबाय केरकर हायस्कूल केरी फोंडें हांगा नाट्य प्रशिक्षण कार्यशाळेक बरो प्रतिसाद मेळ्ळो.
हे कार्यशाळेंत नाट्यप्रशिक्षक गौतम अनंत गावडे हांणी प्रात्यक्षिकां सयत विद्यार्थ्यांक मार्गदर्शन केलें. शिबिरार्थींचे पुरायेन उदरगती खातीर विंगड विंगड कृती करून घेतल्यो. हे कार्यशाळेंत वट्ट 26 जाणांनी वांटो घेतलो.
हे कार्यशाळेक मुखेल सोयरे म्हणून शाळेची मुख्याध्यापिका उषा नायक हाजीर आशिल्ली. विद्यार्थ्यांचे उदरगती खातीर अशे तरेच्यो कार्यशाळा म्हत्वाच्यो आशिल्ल्यान अशे उपक्रम राबोवपा खातीर सदांच आमी तयार आसात, अशे विचार तांणी उक्तायले.
नाट्य प्रशिक्षण कार्यशाळेच्या निमाण्या सत्रांत शिबिरार्थींनी 4 विंगड विंगड विशयांचेर नाट्यकृती सादर करून शिबीराचो समारोप केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
