भांगरभूंय | प्रतिनिधी
-सुरक्षा रक्षकाचो कापलो कान, जाण्ट्या जोडप्याक दवरलें बांदून
-चार-पांच चोरांचो आस्पाव आसपाची शक्यताय
-पुलीस सीसीटीव्ही फुटेज, फिंगरप्रिंटा वरवीं घेतात सोदनागाळी- दोना पावला रावपी नामनेचे उद्देजक जयप्रकाश धेंपो (77) आनी तांची घरकान्न पद्मीनी (71) हांकां खाटीक बांदून दवरून तिगां चोरांनी शेनवारा मध्यानरातीं दरोडो घालो. ह्या वेळार अनवळखी चोरांनी भांगराच्याेे वस्ती सयत कोट्यांनी रुपयांचो म्हालवज फारायिल्ल्याचें दिसून आयलें. मजगतीं, सुरक्षा रक्षकाक मारपेट करून तशेंच ताचो कान कापिल्ल्याची खबरुय मुखार आयल्या.
रातच्या 12 ते फांतोडेर 4 वरां मजगतीं ही घडणूक घडली. सुरक्षा रक्षकाक बडोवन दरोडेखोर घराच्या आवारांत भितर घुसलें. जयप्रकाश हांणी दार उक्तें केलें. ह्या वेळार घरांत ते आनी घरकान्न आशिल्ली. दरोडेखोर तांकां बेडरुमांत घेवन गेले आनी तांकां खाटीक बांदलें. मागीर घरांतलें सामान घेवन ते पळ्ळे.
ह्या वेळार सुरक्षा रक्षक खंय आशिल्लो, ताकाय बांदून घाल्लो काय, ताचो सोद पुलीस घेतात.
सकाळीं घरांत काम करपी वावराडी पावली तेन्ना ही घडणूक उक्तडार आयली. तिणें दोगांय जाण्ट्यांची सुटका करून पुलिसांक घडणुकेची म्हायती दिली.
नेमकें कितें घडले?
शेनवारा मध्यान रातीं दोनापावलांतल्या धेंपो कुटुंबाच्या निवासस्थानाचेर तीन सशस्त्र चोरांनी लुटमार केली. मध्यान रात ते सकाळीं 4 वरां मजगतीं ही घडणूक घडली. चोरांनी सुरवेक हल्लो करून सुरक्षा रक्षकाक मारपेट केली आनी उपरांत बंगल्यांत भितर सरले. धपको दिवपी गजाल म्हळ्यार भिरांत दाखोवपाक तांणी सुरक्षा रक्षकाचो कान कापलो .
घराचें दार जाण्ट्या मनशान उगडलें. ह्या वेळार घरांत फकत जोडपें आशिल्लें. चोरांनी तांकां बेडरूमांत व्हेले अानी थंय तांणी जोडप्याक जबरदस्तीन खाटीक बांदून दवरले. उपरांत चोरांनी बंगल्यांतलो मोलादीक म्हालवज लुटलो. सकाळीं वावराडी बंगल्यांत पावले उपरांत ही घडणूक उजवाडाक आयली. तिणें त्या बांदून दवरिल्ल्या जाण्ट्या जोडप्याची पयलीं सुटका केली. आनी उपरांत पुराय घडणुकेची म्हायती पुलिसांक दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
