भांगरभूंय | प्रतिनिधी
माकडान रोखडेंच सांगलें.
” हांव खबर करतां, तुमी असो राग धरुं नाकात. तुमी कितलीं सोबीत. असो तुमच्या नाकार राग बरो दिसना.” अशें म्हणून माकोडमाम हीं…हीं खीं…..खीं करुंन हांसलो. माकोड दांत भायर काडून हांसतालो. तांकांय मुद्दामच हांसयतालो. माकडान म्होंवामूस आनी फुलां बरोबर इश्टागत केली.
“हांव फाल्यां येतां”. माकोडमाम हूप… हूप…हूप करुंन धांवलो. माकडाची तोणां, ताजें उलप, नाचप, हांसप, पळोवन फुलांचो हांसुन मुड्डो
जालो. दुसरे दिसा सकाळीं माकोड केन्ना येतलो काय म्हूण तीं ताची वाट पळयतालीं. माकोडमाम हांगां थंय उडक्यो मारीत सांजचो थंय पावलो. सगळीं उमेदीन आशिल्लीं. माकडाकुय खोस जाली.
” आतां तुमी म्हाका खूब अपुरबायेची दिसलीं”. अशें म्हणटाच सगळीं फुलां…हांसलीं.
” काय बरें दिसलें आतां” माकडान म्हळें. “आतां अशींच हांसत रावात. नवी राणी आनी नवो राजा बंगल्यांत रावंक येतलीं.”
कितें?… म्हणलें सगल्यांनी. मुंयांनी रांक लायली. फुलपांखे उडत आयले. तांचे बरोबर सुकणीं खोशी जावन गावंक लागलीं. माकोडमामाची खबर वाऱ्यान सगल्या झाडां रुखां मेरेन पावयली. माड धोलपाक लागले. धर्तरेर फुलांचो सडो पडलो. पिकीं फळां जमनीर पडली आनी तीं खावंक चानयो, दोमळे…..धावंन आयले. पुराय सरभोंवतणीं हांसो पिकलो.
इतल्यात म्होंवामूसांची विमानां हुं…. हुं… हुं……हुं…….करुंन आयलीं. सगली चूप रावलीं.
“म्होंवा…मूसांनो आतां मातशें सांबाळुन आं ” फुलांनी म्हणलें.
हय आतां आमी चिंतून वागतले. सॉरी…..सॉरी…..सॉरी……. राग धर नाकात “. अशें म्हणत सगले म्होंवामूस फुलां म्हऱ्यांत आयले आनी सगलीं हासलीं.
आज आमकां सगल्या खोस जाली. माकोडमामा तुमी उपकार केले.
” उपकार बी कांय न्हय” माकडान म्हणलें. नवी राणी भोव मोगाळ. तिका कोणाक खंती पळोवंक आवडना. राणयेन म्हाका तुमचे मेरेन हें फर्मान पावोवंक धाडला. आमच्या राज्यांत फुलां, झाडां, सुकणीं, वारो, फळां सगल्यांक मजेन रावात म्हूण फर्मान काडलां. तुमी कोणेच तोणां वांकडी करुंक फावना. हांसात, कामां करात एकामेकाक आदार दियात आनी आनंदान रावात.” अशें म्हणत माकोड मामान चिकू, सिताफळां, केळीं खायत, साली तांचेर वडयत हूप ….हूप हूप…हूप करीत गेलो. वतना तांकां चाळयत गेलो. तें पळोवन सगळीं पोटाक धरुन हांस हांसलीं…आनी तें आयकून भुरगीं मोट्या मोट्यान हांसलीं.
हांसात पूण धोल ताशे घेवन येयात..राणी येवची आसा…
येवकाराक…..रावात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
