भांगरभूंय | प्रतिनिधी
भांगरभूंय । प्रतिनिधी
मुरगांवः नवेंवाडें – वास्को हांगच्या मुखेल रस्त्यार एका सान चल्यान तो चलयतालो ते दुचाकीचो धपको दिल्ल्यान ममता महेश शेट्ये (52) हिका मरण आयलें. अपघातांत गंभीर जखमी जाल्ल्यान तिका चिखलेच्या उपजिल्हो हॉस्पिटलांत दाखल केल्लें मात तिका दोतोरांनी मरण आयिल्ल्याचें जाहीर केले. दुचाकी चलोवपी सान चल्याक वास्को पुलिसांनी ताब्यांत घेवन मेरशेच्या अपना घरांत ताका धाडला.
नवेंवाडें हांगा गाजी बसस्टॉपा कडल्या फलोत्पादन मंडळाच्या आपल्या भावाच्या दुकाना कडेन गेल्ले कडेन ममता शेट्येक दुचाकीन फाटल्यान धपको दिलो. जखमी अवस्थेंत तिका चिखली हॉस्पिटलांत व्हेलें. तिची कूड पोस्टमॉर्टेमा खातीर मडगांवच्या हॉस्पिसियोत धाडल्या अशें पुलीस निरीक्षक कपील नायक हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
