भांगरभूंय | प्रतिनिधी
भांगरभूंय I प्रतिनिधी
पणजी : दिवाळी परबेच्या आदले सांजे अायतारा 23 वेर पणजी शारांत आनी आशिकुशीच्या वाठारांनी जावपी नरकासूर मिरवणुकेक लागून येरादारींत बदल केला. सांतइनेज वटेन टी. बी. हॉस्पिटल ते भाटले मशीद हो रस्तो ‘वन वे’ करतले. चार खांबाचे वटेन भाटले कडेन वचपी वाहनांक भाटले मशिदी मेरेन येवपाची परवानगी दितले. ते उपरांत उजवे वटेन आल्तिनो मार्गान मुखार वच्चे पडटले.
एसएफएक्स चॅपल क्लियोना फार्मसी, मारुती मंदीर जंक्शन, जे. बी. बेकरी मळा रोड हेल्थ वे हॉस्पिटल पसून भितरलो रस्तो ‘वन वे’ करतले. तेच प्रमाण बाशीक हावस जंक्शनाचे दोनूय वटेन रस्ते ‘वन वे’ करतले. सांत इनेज वटेन येवपी वाहनां तांबडीमाती मार्गान वचपा खातीर बाशीक हावस जंक्शना कडेन घुंवडायतले.
तेच प्रमाण उजो पालोवपी दळा कडल्यान येवपी वाहनांक बाशीक हावस जंक्शना कडल्यान उजवे वटेन वचपाक दितले. महालक्ष्मी मंदीर ते बोक द वाक हो रस्तो वाहनांचे येरादारी खातीर बंद आसतलो.
वाहनचालकांनी तशेंच प्रवाशांनी वयल्या बदल केल्ल्या मार्गांची नोंद घेवची आनी येरादारी सुरळीत जावपाक येरादारी पुलिसांक सहकार्य करचें, अशें आवाहन येरादारी पुलिसांनी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
