भांगरभूंय | प्रतिनिधी
भांगरभूंय । खबरां मेज
पणजीः धुळेर मैदानार जाल्ले प्रोफेशनल लीग फुटबॉल सर्तींत पोरूंचो वस्ताद धेंपो स्पोर्ट्स क्लबाक गोल शून्य बोरोबोरींत दवोरून नव्या यंग बॉयज ऑफ टोंक (वायबीटी) पंगडान एक गुण मेळयलो.
हे फुटबॉल लीग सर्तींत प्रोमोशन मेळल्ल्या वायबटीन आपले पयले मॅचींत सेझा एफए कडल्यान 0-4 अशी हार घेतिल्ली. धेंपों आड मात ताणी खडेगांठ खेळ केलो. खेळाच्या पयल्या 20 मिनटांत धेंपोचें वर्चस्व आशिल्लें. मात मेळल्ल्या संदीचे तांका गोलांत रुपांतर करपाक जमलें ना. वायबीटीच्या खेळगड्यांनी खेळाचेर जम बसोवपाचो यत्न केलो.
पयल्या 23 मिनटांत वायबीटीचो गोलकीपर सौरव चक्रवर्तीन पंगडाचेर गोल जावपाक दिलो ना. चाणे धेपोच्या नेसियो फर्नांडीस आनी वेयरी कुलासो गोल करपाचो यत्न फळादीक जावपाक दिलो ना. वायबीटीच्या एल मिनहो किलोंगाच गोल करपाचो अपेशी यत्न केलो. ताणे मारल्लो बॉल क्रॉसबारा वयल्यान गेलो. धेपोच्या आर्नोल्ड ओलिव्हेरा आनी प्रतीक नायक हांचेय यत्न फुकट गेले. धेपोच्या आघाडेच्या फळींतल्या खेळगड्यांक गोलकी चक्रवर्ती आड आयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
