भांगरभूंय | प्रतिनिधी
शालांत मंंडळा कडल्यान वेळापत्रक जारी
पणजी : शालांत मंंडळाची धावेची दुसऱ्या सत्राची परिक्षा 1 एप्रील 2023 सावन सुरू जातली. शालांत मंंडळान परिक्षेचे वेळापत्रक जाहीर केलांं.
समाज शास्त्र 2 हो निमाणो पेपर 17 एप्रीलाक जातलो. हाचे उपरांंत तंत्रीक विशयांंचे पेपर आसतले. तंत्रीक विशयांंचो निमाणो पेपर 22 एप्रीलाक जातलो. परिक्षा सकाळच्या सत्रांंत जातली. ज्या नापास विद्यार्थ्यांनी पयल्या सत्राची परिक्षा दिवंंक ना, तांंणी 80 च्या गुणांंचो पेपर दिवचो पडटलो.
तशेंच कामगिरी सुदारपा खातीर परतून परिक्षेक बसपी विद्यार्थ्यांक 80 गुणांंचो पेपर दिवचो पडटलो. विज्ञान विशयांतली प्रात्यक्षीक परिक्षा 1 मार्च सावन सुरू जातली. पेपर सकाळीं 9.30 वरांचेर सुरू जातलो. 40 गुणांंचे पेपर दोन वरांंचे आसतले. 80 गुणांंचो पेपर तीन वरांंचो आसतलो. विद्यार्थ्यांनी सकाळीं 9 वरा मेरेन परिक्षा केंद्राचेर हाजीर रावपाची गरज आसा अशें मंंडळान कळीत केलांं.
परिक्षेचें वेळापत्रक
तारीख विशय
1 एप्रील- पयली भास (इंग्लीश/मराठी/उर्दू)
3 एप्रील- तिसरी भास (इंंग्लीश/कोंकणी/मराठी/संंस्कृत/उर्दू)
4 एप्रील- तंत्रीक विशय (व्हेजिटेबल गार्डन)
5 एप्रील- गणीत (लेवल 2)
6 एप्रील- तंत्रीक विशय (फंंडामेंटल्स ऑफ बेकर)
8 एप्रील- गणीत (लेवल 1)
10 एप्रील- दुसरी भास (हिंंदी)
11 एप्रील- तंत्रीक विशय (टेलरींग)
12 एप्रील- विज्ञान
13 एप्रील- तंत्रीक विशय (चित्रकला)
15 एप्रील- समाज शास्त्र पेपर 1
17 एप्रील- समाज शास्त्र पेपर 2
शालांत मंंडळान बारावी परिक्षेचें वेळापत्रक जाहीर केलांं. बारावेची परिक्षा 15 मार्च ते 27 मार्च मेरेन जातली. वेवसायीक फांट्याची परिक्षा 16 मार्चाक सुरू जातली. बारावेची परिक्षा लेगीत सकाळीं 9.30 वरांचेर सुरू जातली. 15 मार्चाक पयली भास इंग्लीश/मराठीचो पेपर जातलो. उपरांंत दर दिसा विज्ञान, वाणिज्य, कला आनी वेवसायीक फांट्यांच्या विशयांंचे पेपर जातले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
