भांगरभूंय | प्रतिनिधी
शालान्त मंडळाचें परिपत्रक जारी
भांगरभूंय I प्रतिनिधी
पणजी : यत्ता धावेचे परिक्षेंत दोन विशयांत नापास जाल्ल्या विद्यार्थ्यांक इकरावेक प्रवेश मेळटलो. पूण जे मेरेन हे विद्यार्थी धावेचे परिक्षेंत उत्तीर्ण जायनात, ते मेरेन तांंचो इकरावेचो निकाल जाहीर जावचो ना. शालान्त मंंडळान हे विशीचें परिपत्रक जारी केलांं.
कोरोनाक लागून 2021 – 22 शिक्षणीक वर्सा पुराय दीस वर्ग जाले ना. वर्ग नाशिल्यान ऑनलायन वर्ग जाले. हाका लागून अंदूंच्या (एप्रील 2022) धावेचे परिक्षेंत जे विद्यार्थी दोन विशयांंत नापास जाल्यात, तांंकां इकरावे यत्तेंत प्रवेश दिवपाक हरकत ना. विद्यालयांं तशेंच उच्च माध्यमीक विद्यालयांंच्या मुख्याध्यापकांंक मंडळान हे विशींचें परिपत्रक धाडलांं. ज्या विशयांत विद्यार्थी नापास जाल्यात, त्या विशयांंत विद्यार्थ्यांक आलायतें शिक्षण दिवपाक हरकत ना.
मात दोन परस चड विशयांंत नापास जाल्ल्या विद्यार्थ्यांक इकरावेंत प्रवेश मेळचो ना. एक वा दोन विशयांंत नापास जाल्या विद्यार्थ्यांकूच प्रवेश मेळटलो.
हाचे पयलीं 30 ऑक्टोबर 2014 दिसा मंंडळान परिपत्रक जारी केल्लें. ह्या परिपत्रकांत बदल करून नवें परिपत्रक जारी केलांं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
