भांगरभूंय | प्रतिनिधी
फोंडें, प्रतिनिधी : पेटके – धारबांदोड्यां रस्त्या कुशीक दवरिल्लीं ६ पायपां चोरयेक गेल्ल्या प्रकरणांत फोंडें पुलिसांनी सवो दुबावीत श्रीकांत आद्यप्रसाद मिश्रा (४४, मडगांव) हाका सोमारा अटक केली. पुलिसांनी पयलींच ५ जाणांक अटक केल्या.
कागाळ येतकच फोंडें पुलिसांनी तपास करून वट्ट ५ जाणांक अटक केल्ली. हातूंत युवराज दशरथ गोसावी (४४, कोपरवाडो – कुर्टी), शरीफ शेख (२५, कुर्टी ), लालाराम मुतीलाल मीना (३३, कुर्टी), किशोर कुमार नंदलाल पटेल (३१, कुर्टी) आनी विजय सूर्यकांत पोतदार (३७, पणसुलें – धारबांदोडें) हांचो आस्पाव आशिल्लो. फाटल्या कांय दिसां सावन पुलीस सव्या दुबाविताक सोदताले. सोमारा तो सांपडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
