भांगरभूंय | प्रतिनिधी
भांगरभूंय । प्रतिनिधी
फोडेंः खेळ आनी युवा वेव्हार खात्यान आयोजीत केल्ल्या धारबांदोडें तालुको अंडर-14 शालेय बुद्दिबळ सर्तींत सावरगाळ- धारबांदोडेच्या सोमनाथ इंग्लिश हायस्कुलाच्या पंगडान वस्तादपण मेळयलें.
जैतिवंत पंगडांत सार्थक गांवकार, साहिल गांवकार, बाबुसो गांवकार, राहुल वेळीप आनी आयान छपरबंद ह्यांच्या पंगडान हिराबाई हायस्कूल, इम्येकुलेट कंसेप्नशनल हायस्कूल आनी मातोश्री एवीएस हायस्कुल पंगडांचेर जैत मेळोवन हे वस्तादपण मेळयलें. फातोड्या नेहरू स्टेडियमांत जावपी जिल्हो पांवड्या वयले बुद्दिबळ सर्तीत सोमनाथाचो पंगड वांटो घेतलो.
जैतिवंत पंगडाक पीटी शिक्षक प्रणव रावत देसाय हाचें मोलादीक मार्गदर्शन फावो जालें. पंगडाचें धारबांदोडें वाठारांत तुस्त- तोखणाय जाता. हायस्कुलाची मुख्याध्यापिका प्रज्वला बखले आनी पालक- शिक्षक संघान जैते मेळयल्या विद्यार्थ्यांक परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
