भांगरभूंय | प्रतिनिधी
सुकमा, खबरां संस्था: छत्तीसगडांतल्या सुकमा वाठारांत नक्षली हल्लो जाला. ह्या हल्ल्यांत नक्षलवाद्यांनी आयईडी ब्लास्ट केलो. ह्या नक्षलींच्या हल्ल्यांत दोन जवान शहीद जाल्यात. जवान त्या वाठारांतल्यान वतले हाची म्हायती घेवनूच नक्षलवाद्यांनी तांचेर हल्लो केलो. सिलेगर गांवांत हो स्फोट जालो. कांय जवान गंभीर जखमी जाल्यात. छत्तीसगढ पुलिसांनी हे विशीं म्हायती दिल्या.
जवानांचो ट्रक वतालो इतल्यान…
त्या वाठारांतल्यान जवानांचो एक पंगड वतलो ही म्हायती आशिल्ल्यान नक्षलवादी लिपून बसले. तांणी सैन्याच्या ट्रकाक लक्ष्य करून आयईडीन स्फोट केलो. जखमी सैनिकांक हॉस्पिटलांत व्हेल्यात. वाठाराची तपासणी सुरू आसा. ह्या पुराय वाठाराक जवानांनी घेराव घाला. नक्षलवाद्यांचो सोद घेवप चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
