भांगरभूंय | प्रतिनिधी
दिवचलः मर्मवाडो नार्व्यां एके झिलींत आडकून पडिल्ल्या बिबट्याच्या दोन म्हयन्यांच्या पिलाक प्राणीमित्र अमृत सिंग तशेंच केरी रान विभागाच्या अधिकारी, कर्मचारी वर्गान सुखरूप भायर काडले. ते पील खूब दीस उपाशी आशिल्ल्याचें दिसतालें. ताची आवय ताका सोडून दुसरे कडेन गेल्ल्यान तें झिलींत उपाशी पडिल्लें आसुयें, अशी म्हायती अमृत सिंग हांणी दिली.
ह्या वेळार केरी रान अधिकाऱ्यां वांगडा अमृत सिंग, दुर्गेश सिंग, अक्षता सिंग हाजीर आशिल्ले. उल्हास पडोळकार हांणी हे विशीं अमृत सिंग हांकां म्हायती मेळटाच तांणी रान खात्याच्या पंगडाच्या आदारान पिलाची सुटका केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
