भांगरभूंय | प्रतिनिधी
साखळे भुमिका तोणयेश्वर देवस्थान मंडळाचे नवे समितीची जाली निवड
भांगरभूंय । प्रतिनिधी
दिवचल: देवळांक लागून सगळे नागरीक एकामेकां मदले मतभेद विसरून एकठांय येतात. नागरिकांक एकठांय हाडून गांवचे सामाजीक, सांस्कृतीक उदरगती खातीर मजत करपाचें म्हान काम देवळां करतात, अशें मुख्यमंत्री डॉ. प्रमोद सावंत हांणी सांगलें. भंडारवाडा-साखळे हांगच्या श्री भुमिका तोणयेश्वर मंडळान शिगमोत्सव मंडपांत मुख्यमंत्री डॉ. प्रमोद सावंत हे तीन फावटीं निवडून येवन, दोन खेपो मुख्यमंत्री पदार निवड जाल्ले खातीर मंडळा वतीन सत्कार सुवाळ्याचें आयोजन केल्लें.
सांखळे पालिकेचे नगराध्यक्ष राजेश सांवळ आनी हेर मानेस्त माचयेर हाजीर आशिल्लले. मुख्यमंत्री डॉ. सावंत हांचो ह्या वेळार मंडळा वतीन शाल, श्रीफळ आनी यादस्तीक भेटोवन भोवमान केलो. जाल्यार मुख्यमंत्र्यां हस्तुकीं प्रभाग नगरसेवक आनंद काणेकार आनी मंडळाचे वांगडी विजय दत्ताराम नायक हांचोय भोवमान जालो.
ह्या वेळार मुख्यमंत्री डॉ. सावंत हांचे हस्तुकीं मंडळाचे नवे समितीचीं नांवां जाहीर केलीं. समितीच्या अध्यक्ष पदार सुरेंद्र शांताराम भजे, उपाध्यक्ष नितिकेश संतोष पार्सेकार, सचीव रोहन राजेश सांखळकार, उपसचीव रुद्रेश उमेश मांद्रेंकार, भांडारी म्हणून शुभम अशोक भामयकार, उप भांडारी धिरज आनंद नायक, कार्यकारी वांगडी श्याम जगन्नाथ मांद्रेंकार, नारायण कुशा नानोडकार, दिपराज राजेंद्र भजे, आनंद कालिदास भजे, संयोग संतोष साखळकार हांची निवड जाली. जाल्यार सल्लागार समितीचेर वासुदेव लक्ष्मण भजे, सदानंद शाणू पेडणेंकार, शिवाजी शांताराम भजे, दिगंबर लक्ष्मण भजे, राजन श्रीधर नानोडकार, परेश दिनकर सांखळेकार, दत्ता राजाराम कारबोटकार, प्रकाश कुष्टा पार्सेकार हांची निवड जाली. दिवली पेटोवन मुख्यमंत्री डॉ. सावंत हांचे हस्तुकीं कार्यावळ सुरू जाली. शिगमोत्सव मंडळा विशीं ह्या वेळार म्हायती दिली.
दिगंबर भजे हांणी मुख्यमंत्र्याचेर रचिल्ली कविता सादर केली. परेश साखळीकार हांणी उपकार मानले. कार्यावळ येसस्वी करपा खातीर धिरज नायक, श्याम मांद्रेंकार, दत्ता कारबोटकार, नितिकेश पार्सेकार, संयोग साखळकार आनी हेर वांगड्यांनी विशेश सहकार्य केलें. वर्सुकी उत्सवा निमतान मंडळा वतीन सत्यनारायण महापुजा, महाप्रसाद, भजन आनी नाटक सादर केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
